影片
更多
2021-06-04
8915 浏览
认识方荣记因为睇左网上一条短片, 话佢系🇭🇰香港唯一一间仲会自己炒沙嗲酱的店家。之后, 又睇左另一条短片介绍呢间餐厅。我地平日既晏昼去食, 佢地有客饭或打边炉提供。当日有3个婶婶SERVE我地, 一个黑面, 一个黑面加串, 一个好好人(短发瘦瘦地)。好好人个婶婶会主动加汤, 好好笑容仲会讲唔好客气, 好彩有佢令整餐饭可以维持一个愉快既心情。我地跟住短片介绍点左星级牛肉同大光面, 仲有跟自己喜好点左响铃, 桂花蚌, 🌽粟米, 菜同渣装酸梅汤。方荣记系我食过咁多年打边炉, 汤底最浓郁的一间。食到咁上下, 个汤底就会越煲越杰, D汤汁就会开始弹出黎, 建议唔好著🥼白色衫去食。星级牛肉 - 短片话星级牛肉即系澳洲牛肉, 果然无推介错, 好味, 啖啖肉, 入口滑嫩, 有牛味。桂花蚌 - 厚身但新鲜程度一般, 有点难咬开。粟米同菜不错, 尤其菜是必点, 沙嗲汤杰到好似沾酱咁挂系D菜上面, 个人觉得佢比大光面同响铃更适合配个沙嗲汤底。非常邪恶惹味既沙嗲搭配健康清爽既蔬菜减轻了不少油腻感, 无咁容易觉得饱滞。大光面同响铃 - 就算是大胃王, 我也建议二拣一就好, 非常饱肚之选, 短片讲得无错, 佢地既
我地平日既晏昼去食, 佢地有客饭或打边炉提供。
当日有3个婶婶SERVE我地, 一个黑面, 一个黑面加串, 一个好好人(短发瘦瘦地)。好好人个婶婶会主动加汤, 好好笑容仲会讲唔好客气, 好彩有佢令整餐饭可以维持一个愉快既心情。
我地跟住短片介绍点左星级牛肉同大光面, 仲有跟自己喜好点左响铃, 桂花蚌, 🌽粟米, 菜同渣装酸梅汤。
方荣记系我食过咁多年打边炉, 汤底最浓郁的一间。食到咁上下, 个汤底就会越煲越杰, D汤汁就会开始弹出黎, 建议唔好著🥼白色衫去食。
星级牛肉 - 短片话星级牛肉即系澳洲牛肉, 果然无推介错, 好味, 啖啖肉, 入口滑嫩, 有牛味。
桂花蚌 - 厚身但新鲜程度一般, 有点难咬开。
粟米同菜不错, 尤其菜是必点, 沙嗲汤杰到好似沾酱咁挂系D菜上面, 个人觉得佢比大光面同响铃更适合配个沙嗲汤底。非常邪恶惹味既沙嗲搭配健康清爽既蔬菜减轻了不少油腻感, 无咁容易觉得饱滞。
大光面同响铃 - 就算是大胃王, 我也建议二拣一就好, 非常饱肚之选, 短片讲得无错, 佢地既响铃一D都唔脆, 当佢普通腐皮咁食就好。
酸梅汤(唔记得影相) - 必点推介, $40, 份量非常多又好饮, 酸甜刚好, 开胃解渴。
到方荣记打边炉是一个特别的体验, 值得为呢个香港少有又有特色既沙嗲汤底去帮衬一下, 可惜的是食材质素有点参差, 服务态度也令人却步。
张贴
