Bake N Grill (已結業)

鲗鱼涌系我眼中系一个工业区为主嘅社区，对于美食嚟讲差唔多同沙漠画一个等号，但唔讲唔知，原来呢区都有好嘢食，其中Bake N Grill系一间唔错嘅选择首先，西餐唔少得嘅系焗法包，法包一上枱仲系暖暖地，好香小麦香味，点埋餐厅特制香草酱一齐食，简直系双重享受吞拿鱼沙律，吞拿鱼入口新鲜，肉质结实，上枱果件仲好有心思特登切到细细件，一啖一件嘅size，女士食果阵都唔驶怕尴尬，仲有新鲜沙律菜一齐食，唔错餐汤系洋葱汤，本身个汤已经好足料，成个碗底都系洋葱，仲要啲洋葱全部好淰身，应该煲咗好耐好够火候，驹晒味，加埋芝士落去味道出奇咁夹，系略嫌咸咗少少Main course系纽约客牛扒，牛扒本身肉味十足，加埋我地要medium rare，完全锁晒啲肉汁系入面，令到肉味更加浓郁，香口得嚟又唔会干到好似食紧条柴咁，不错