影片
更多
2015-08-29
351 浏览
去台南玩左几日，返黎香港俾又焗又热既天气搞到唔想食嘢唔想出街，爸爸话不如揸车去坑口村睇下有咩食，竟然有间日本餐厅开左，上黎Check下食评，应该稳阵，又谂唔到食咩，所以试下......住系将军澳既人系好惨，因为呢度系美食沙漠，有车好小小，可以近近地入西贡食但贵到爆
，而家附近终于都有间可以食到入口既餐厅，餐具靓靓系加分既，至少唔好污糟猪咁，地舖最惊系好多乌蝇飞入黎但好彩呢度无三文鱼系我同爸爸既最爱，一定食！好厚肉好新鲜！同台湾既质素有得挥！但$36如果有多一两块就好了haha中意食生虾既我见到48蚊只牡丹虾唔系唔试挂！？叫左一人一只，好弹牙之余又有牡丹虾本身黏口既feel，虾头先正！膏够鲜味，唔系一般既臭虾头，个人觉得呢个价钱系值既~靓靓什锦天妇罗($78)~真心好抵食呀！haha开头以为把扇系炸芽菜，老板听到之后黎解释原来系白素面，黄色既系菊花花瓣，好大乡里呀>< 入面有蕃薯，虾同南瓜，蕃薯同虾都好脆口，最中意系个南瓜！外脆内软，劲香南瓜味，唔系普通既得个炸粉味。好欣赏个天妇罗汁既器皿，够大又有好多汁，好易点到，唔洗点十万下先点到，不过个白素面应该系for睇唔系for
住系将军澳既人系好惨，因为呢度系美食沙漠，有车好小小，可以近近地入西贡食但贵到爆
，而家附近终于都有间可以食到入口既餐厅，餐具靓靓系加分既，至少唔好污糟猪咁，地舖最惊系好多乌蝇飞入黎但好彩呢度无
三文鱼系我同爸爸既最爱，一定食！好厚肉好新鲜！同台湾既质素有得挥！但$36如果有多一两块就好了haha
中意食生虾既我见到48蚊只牡丹虾唔系唔试挂！？叫左一人一只，好弹牙之余又有牡丹虾本身黏口既feel，虾头先正！膏够鲜味，唔系一般既臭虾头，个人觉得呢个价钱系值既~
靓靓什锦天妇罗($78)~真心好抵食呀！haha开头以为把扇系炸芽菜，老板听到之后黎解释原来系白素面，黄色既系菊花花瓣，好大乡里呀>< 入面有蕃薯，虾同南瓜，蕃薯同虾都好脆口，最中意系个南瓜！外脆内软，劲香南瓜味，唔系普通既得个炸粉味。好欣赏个天妇罗汁既器皿，够大又有好多汁，好易点到，唔洗点十万下先点到，不过个白素面应该系for睇唔系for食，因为食落真系只有面味
烧豆腐好正呀！！！外脆内软，烧汁入味但唔会太咸而抢哂豆腐既豆香味，唔记得几钱，但好似都系10几蚊，讲真，40几蚊我都会食！好味过坊间既无味/太咸烧豆腐好多！
18蚊有4只既烧鸡翼有边度可以做到？就算伏，我都要试！结果爸爸食完都话叫得好，系真系有腌到既鸡翼，唔系无底味得层皮既烂屎烧鸡翼，好抵食！
好耐无食鳗鱼既我，叫左个鳗鱼饭试下，$128应该唔会差得去边，好彩味道真系几好，鳗鱼系几厚身，无腥臭味，但个饭如果多啲烧汁就好了，个人喜好中意多啲汁捞饭haha~
难得同爸爸撑枱脚，又俾我见到咁多优惠，叫个清酒饮下先啦！
自己中意饮热既清酒，因为咁样更可以试到个酒本身既味道，坐热左先饮，入口唔苦，都几醇厚，出面要78蚊一壶先饮到呢个质素，好抵！
半价9蚊一个雪糕，贪平加上有我至爱食既柚子味，就试左一个，有柚子粒粒架！可以咬下咬下，令个雪糕好香柚子味！仲要系个雪糕唔甜，好似雪芭，但有奶加左落去，唔会好似雪芭咁水，会滑身啲，正！
个冷气大左小小，令到茶好快就冻，好彩麻烦待应换，都好好咁马上换一壶热既俾我地，大部分食物其实性价比都高，同埋一般日式餐厅好伏既食物，唔知点解呢度都变得好好食，例如个豆腐同鸡翼，仲有雪糕，而清酒好抵饮haha！
住将军澳既朋友，都不妨一试~
张贴
