順。越南牛肉粉

营业中

休息中

下午系沙田有野做，早小小出去食个晏，唔知系咪太耐无黎，行到去好运中心发现开左几间新野，睇左几间决定试下越南野。等左一阵入去坐底，叫左两个主食同两个小食。🔸河内蕃茄蟹檬粉上菜速度好快，闻到有啖啖既蕃茄同蟹膏味，食落去粉既份量好多，汤底含丰富既蕃茄味而且无味精，虾丸弹牙有虾味同个汤几夹，札肉唔肥有软骨口感唔错，半只蟹吸左蕃茄汤再一口吸d 蟹肉几好食。🔸越南咖啡猪软骨饭未上枱已闻到咖啡味，味道酸酸地几开胃，猪软骨份量好多，多肉小肥，炆得好林，唔使好用力咬都得。块蛋饼有木耳肉碎粉丝，加埋一齐口感几特别，本身有调味，加小小饭一啖摆落口味道唔错。🔸蒜蓉炒通菜蒜蓉味几香，食落口唔太咸，菜够林，整体黎讲对得住个价钱。🔸蒸粉包蒸粉包个汁酸酸甜甜，好开胃，系成个小食既灵魂所在，钟意食酸野既人必点。🔸香茅鲜橙茶/🔸话梅咸柑桔水两杯野饮都唔错，橙茶好香橙味，after taste 有香茅同喉咙凉凉地几舒服。话梅咸柑桔水出色，咸话梅配搭咸柑桔出黎个味道有惊喜，两种味都饮到又夹，下次再黎食都会叫。