稻成 (新城市廣場一期)

营业中

休息中

寻晚，一家三口去到沙田新城市广场地下，一间想食好耐嘅【稻成】晚饭，佢门口仲特登标注咗【好食不止酸菜鱼】，入到去感觉地方好大好寛敞，坐位都超寛松，环境舒适典雅，我哋坐低各自预算叫自己钟意嘅𩠌，啱啱一位叫做阿Yan嘅女仔，走过嚟斟茶同介绍菜式，原嚟佢哋系京川沪菜式，属于尝高美集团，此家品牌有6间分店，集团属下仲有其他如烧肉谷、牛气、浦和、山一、台式火锅及西餐等等，我哋本嚟想单点，之后就听佢建议叫咗个二人套餐，再加个孜然手抓排骨，食完又再叫咗五彩芋圆冰粉同椰汁炖蛋白汤圆。酸菜鱼虽然有啲干辣椒🌶️但系唔算辣，条鱼就好新鲜，肉质爽滑，汤入面有酸白萝卜及子姜，味道非常好👍炖汤有鲍鱼螺头同菇，好香浓；小笼包咬一啖漏出肉香嘅汤汁，再点一下醋，食落好正，媲美好多上海舖；夫妻肺片好地道嘅四川风味，有啲麻麻辣辣；手抓骨一人一条，直情揸住嚟咬，有啲似蒙古烤肉；值得推介嘅系佢啲甜品，家人都好赞𠮶个冰粉，直头顶瓜瓜👍👍👍𠮶个炖蛋白汤圆都好好味😋唔算好甜，又香喷喷✊佢哋嘅服务态度好好，要多谢一个大只肥仔哥哥，及另外一个姐姐，经常帮我哋斟热茶同换骨碟，仲有𠮶个靓仔经理，都有询问我哋对佢哋食物嘅意见，非常之有诚