影片
更多
2015-04-07
1697 浏览
去完科学馆已经晚上8点！肥髀见到呢间食店，佢其实唔知食乜，只系见到个名有牛字，我又无乜所谓，上到去见门口有客人坐住等，但我哋又可以即刻入座（可能佢哋人数多喇）坐近窗一个二人座位，好近取食物处，红黑配搭，桌椅都几迫，因只有一个半小时，即刻拣款蕃茄汤底，汤底唔同参考图片有蕃茄肉，唔似新鲜蕃茄汤，似系罐头蕃茄汤！不过味道都唔错！酸酸地配牛肉无咁腻！店员再问我要边款牛肉放题！我怕烦叫店员介绍，佢话澳洲牛肉放题质素好价钱又合理（大人$208、小童$88），咁都唔念信佢！最好笑佢见肥髀，问我门口有无度高，知道无之后要肥髀企起身比佢睇，应该系跟高度决定可唔可以用小童价钱，汤底到了，我哋就出去攞蔬菜丸类，蔬菜种类都几多，质素都唔错！尤其喜欢有芽菜！配蕃茄汤底好味！牛肉虽然话任食，其实两碟牛肉，一碟猪肉一定要食晒，店员先会再上，唔可以一次过上好多碟，避免浪费！牛肉真唔错，够薄，渌好口感几滑，肥瘦部分分布唔错，我哋总共食咗6碟！猪肉有两款，薄猪肉片比较爽口，烟肉肥美，不过我哋只食了一碟，都系食牛抵啲！个半钟其实都唔可以食太多，我哋牛肉蔬菜相间咁食，肥髀食啲乌冬已经差不多够钟，仲有15分钟剩，店员会攞单比我
肥髀见到呢间食店，佢其实唔知食乜，只系见到个名有牛字，我又无乜所谓，上到去见门口有客人坐住等，但我哋又可以即刻入座（可能佢哋人数多喇）坐近窗一个二人座位，好近取食物处，红黑配搭，桌椅都几迫，因只有一个半小时，
即刻拣款蕃茄汤底，汤底唔同参考图片有蕃茄肉，唔似新鲜蕃茄汤，似系罐头蕃茄汤！不过味道都唔错！酸酸地配牛肉无咁腻！店员再问我要边款牛肉放题！我怕烦叫店员介绍，佢话澳洲牛肉放题质素好价钱又合理（大人$208、小童$88），咁都唔念信佢！最好笑佢见肥髀，问我门口有无度高，知道无之后要肥髀企起身比佢睇，应该系跟高度决定可唔可以用小童价钱，汤底到了，
我哋就出去攞蔬菜丸类，蔬菜种类都几多，质素都唔错！尤其喜欢有芽菜！配蕃茄汤底好味！
牛肉虽然话任食，其实两碟牛肉，一碟猪肉一定要食晒，店员先会再上，唔可以一次过上好多碟，避免浪费！牛肉真唔错，够薄，渌好口感几滑，肥瘦部分分布唔错，我哋总共食咗6碟！猪肉有两款，薄猪肉片比较爽口，烟肉肥美，不过我哋只食了一碟，都系食牛抵啲！个半钟其实都唔可以食太多，我哋牛肉蔬菜相间咁食，肥髀食啲乌冬已经差不多够钟，仲有15分钟剩，店员会攞单比我埋单兼提醒我时间！
我同肥髀即刻去𢳂雪榚，名牌子雪榚，仲要有四款，四款我哋试晒，自己最喜欢朱古力，仲夹杂朱古力碎在内！不过呢只牌子比较甜！
饮品我哋试了四款，肥髀饮了芒果汁，道地柠檬绿茶（试了一啖味道好怪），我饮道地黑糖姜茶，味道都好怪，唔夹，无饮晒已经叫乌龙茶，乌龙茶无糖，味道易入口！地方唔算干净，我坐底对膝盖会顶到桌脚，有著紧身裤膝盖位置油腻腻，原来系啲汤汁渗到，我用湿纸巾一抹全部都系污渍！
蔬菜区都干净，但雪榚区就差啲！连个雪榚牌都睇唔清！
店员除招呼我哋入座嘅女店员系积极自发又健谈，其他店员虽然勤快，但都只系叫乜做乜，有个阿姐唔知点解，上牛肉一定要叠住「品」字咁放碟，咁碟底始终唔知干唔干净，我又执好个位，一定够位放，旁边二人枱个女枱客都系唔钟意那位女店员咁做！临走都有同积极女店员倾偈，佢好熟公司嘅牛肉，仲叫我下次再光临试下其他款牛肉（系好亲切𠮶只，唔hard sell)
张贴
