炙・宴 (時代廣場)

营业中

休息中

本来谂住去打边炉,但系天气实在太热,唯有落去商场食肆用膳,谂起呢间舖头无帮衬过一排,屋企人又想去,决定去呢间,时代广场我都成日会去行,都发觉呢间舖已经无以前咁多人,以前未到六点已经成村人攞筹排队,就算我七点几到仍然好多吉枱,点好食物上餐,先黎两个小食,冲绳苦瓜炒豚肉&酥炸宫崎青眼鱼,首先冲绳苦瓜炒豚肉,完全唔掂……首先碟野上枱已经只是微热,唔觉佢有炒过,似翻热多d,而且佢垫住苦瓜豚肉d豆腐只系烚熟而已,完全无味,而且仲收人$78,完全唔值,大扣分,反而酥炸宫崎青眼鱼真系好好食,送酒一流,之后黎既冲绳四季柑汁(有气)都ok,到重点啦,我既樱花虾冲绳疏香豚拉面(加大),樱花虾加疏香豚汤底好香,疏香豚肉都好食,最败笔系佢个面底…一d都好似拉面,反而觉得似竹升面,所以食落好奇怪,我宁愿转番正常拉面或乌冬仲好……之后屋企人叫既鳗鱼鸡肉双拼饭我都有试食,d鸡肉又老又韧,真系真老过我老母,就算鳗鱼都勉强算仅仅合格,经过呢一餐亮点只系个小食,呢间野人流减少唔系无原因……