影片
更多
2012-10-29
1262 浏览
下午点几钟探完天水围嘅亲戚，去左银座个头饮茶。行左几间，想食得好少少就去左酒店楼上中菜厅。以为好贵，点知仲平过美心稻香。我地四个人，叫左几个点心同一碗鹅赖，印象最深嘅系炸尤鱼须同流沙奶皇包，真系出奇地好食。我本身都中意食奶皇包，而且亦几有要求。某间以流沙包见称嘅酒家我都食过，就系嫌佢太流，太多油，似乎系为左要佢流啲就放劲多油，结果只系有视觉效果，啲吉士打酱就变得唔香。今次食呢间，啲包一黎到已经好靓仔，一咬，咦？啲浆好杰㖞，咬多啖，你已经feel到奶香同蛋黄嘅香味系个口度发出黎。包身香软，有淡香，岩岩好平均左奶浆嘅浓味。如果呢间野开系尖咀铜锣湾，我谂佢卖10蚊只啲人都会排队买，好过个啲洗晒啲钱系广告度又将成本转嫁消费者个啲所谓奶皇包专门店。炸残鱼须系儿时嘅回忆。细个同老豆老妈去亲饮茶，我都会想食。但因为热气，老妈成日唔比食，要lur下嗲下佢地先会叫。候印象中，细个千辛万苦嗲返黎嘅尤鱼须多数唔系软num num就系腥嘅，好睇唔好食。今次叫个阵可能都系满足自己想食嘅心态。黎到，一如所料，暖的，唔够热，谂住同细个食一样系软架啦，点知一入口，仲系好香脆。脆到啲碎跌晒落我条裤度，真系脆到入口个阵会
我本身都中意食奶皇包，而且亦几有要求。某间以流沙包见称嘅酒家我都食过，就系嫌佢太流，太多油，似乎系为左要佢流啲就放劲多油，结果只系有视觉效果，啲吉士打酱就变得唔香。今次食呢间，啲包一黎到已经好靓仔，一咬，咦？啲浆好杰㖞，咬多啖，你已经feel到奶香同蛋黄嘅香味系个口度发出黎。包身香软，有淡香，岩岩好平均左奶浆嘅浓味。如果呢间野开系尖咀铜锣湾，我谂佢卖10蚊只啲人都会排队买，好过个啲洗晒啲钱系广告度又将成本转嫁消费者个啲所谓奶皇包专门店。
炸残鱼须系儿时嘅回忆。细个同老豆老妈去亲饮茶，我都会想食。但因为热气，老妈成日唔比食，要lur下嗲下佢地先会叫。候印象中，细个千辛万苦嗲返黎嘅尤鱼须多数唔系软num num就系腥嘅，好睇唔好食。今次叫个阵可能都系满足自己想食嘅心态。黎到，一如所料，暖的，唔够热，谂住同细个食一样系软架啦，点知一入口，仲系好香脆。脆到啲碎跌晒落我条裤度，真系脆到入口个阵会听到「索」一声个只。隔离枱一家三口见我食得咁过瘾都跟风叫左碟。佢好食唔系净系因为脆，而系表皮脆得黎入面仲保留左尤鱼嘅鲜味，唔系硬嘅。
埋单个阵，平到吓亲。一般我咁叫法系出面无4、5百都落唔到楼。系呢间酒店嘅中餐竟然4个人平均每个6x蚊走得，真系平到吓左吓。个侍应仲帮我签埋泊车，又悭几十。下次经开呢头一定会再黎。请呢度啲亲戚食饭唔使再车啲老人家山长水远出尖咀了。
张贴
