影片
更多
2016-08-07
1444 浏览
有睇开我写嘅食评都可能知道本人非常喜欢食牛肉同羊肉，牛肉就好多香港人都钟意食， 所以香港先有咁多不同国家嘅扒房同Burger店引入香港， 令香港人更有口福~ 至于食羊肉就唔系太多香港人钟意食， 因为羊肉总系有一股羊膻味，好多人对于这个味有一定的抵触心理。 相反， 我就好喜欢食到有羊膻味嘅羊肉。可惜香港有得食羊嘅地方选择唔多， 而Doner Kebab里面一定有羊肉选择，Kebab Shop 一般都系位于港岛嘅湾仔或者系九龙嘅尖沙咀居多。 以前返工地方系港岛， 试过唔少湾仔Kebab Shop， 九龙就少D，所以今次就拣咗位于尖沙咀嘅Kebab Shop试食！一进入呢间精型店铺内， 已经有一位木无表情嘅外籍黑皮肤女侍应企系面前安排我同友人坐门口位 (其实店里都系得4~5台位， 可能没什么客人， 想我哋系近门口等路人知道有客人品尝佢地嘅食物啩~) 。 冷气唔多够搅到入面有少少焗， 而且外面又热， 坐系门口位都几热， 不过有少少热嘅街风都好过入面嘅焗风。睇完Menu就落order, 又系头先个位唔太想service同无表情嘅女侍应来接order (因为全店得佢一位侍应，滴汗！) 我哋叫咗
至于食羊肉就唔系太多香港人钟意食， 因为羊肉总系有一股羊膻味，好多人对于这个味有一定的抵触心理。 相反， 我就好喜欢食到有羊膻味嘅羊肉。可惜香港有得食羊嘅地方选择唔多， 而Doner Kebab里面一定有羊肉选择，Kebab Shop 一般都系位于港岛嘅湾仔或者系九龙嘅尖沙咀居多。 以前返工地方系港岛， 试过唔少湾仔Kebab Shop， 九龙就少D，所以今次就拣咗位于尖沙咀嘅Kebab Shop试食！
一进入呢间精型店铺内， 已经有一位木无表情嘅外籍黑皮肤女侍应企系面前安排我同友人坐门口位 (其实店里都系得4~5台位， 可能没什么客人， 想我哋系近门口等路人知道有客人品尝佢地嘅食物啩~) 。 冷气唔多够搅到入面有少少焗， 而且外面又热， 坐系门口位都几热， 不过有少少热嘅街风都好过入面嘅焗风。睇完Menu就落order, 又系头先个位唔太想service同无表情嘅女侍应来接order (因为全店得佢一位侍应，滴汗！) 我哋叫咗个 Doner Pizza Special with Lamb (羊肉薄饼) ,Lamb Doner Roll 同冻饮， 全羊餐， 哈哈！！
(因为入面太焗热影响， 没有心情影店内嘅相， 所以只系简单影咗少少menu同之后嘅食物就算。)
接完我哋嘅order 后， 有位外籍男人入来order 咗个Pizza Take Away。。。等咗5分钟位女侍应就上咗冻饮， 之后佢就返去后面继续倾计。。。
再等10 多分钟，个Lamb Doner Roll就到喇， 心谂终于有得食羊喇， yeah yeah~
Lamb Doner Roll
$78
175 浏览
0 赞好
0 留言
等~~等~~等~~~
就系咁我哋等多差不多半个钟， 个Pizza都未得， 而个位外籍男叫咗个Take Away Pizza都一样未整好。 我由落完order 到依家已经有成45分钟以上， 个Pizza 都可以系未上台！！！
(我心谂得我一台客同Take Away 男落order 啫， 两个Pizza 要搅咁耐~~?? )
个外籍男同我都忍唔住， 大家志同道合分别地向女侍应问问什么一回事！！ 个女侍应态度好闵咁回应话因为个Pizza系即叫即做，所以要时间去整， 要俾多10分钟先得。 我同友人都觉得间店铺又热， 又等咗差不多成50分钟都话未得， 并且个女侍应态度又差， 谂住唔要， bill please 就算！ 点知个外籍男同我哋嘅谂法都一样， 佢就要求money back。个女侍应见我哋异口同声话唔要个Pizza, 突然佢以态度差差嘅语气转軚话大家嘅Pizza OK㖞。 头先明明话要等多10 分钟先可以， 依家大家话走佢就想将个未熟嘅Pizza出炉封住客人嘅口就算， 咁都可以嘅~~??
当然我同位外籍男都唔接受喇，我哋成肚气俾完钱之后就走，出咗门后我位友人问我点解我仲咁傻俾tips呀， 我先谂起"系㖞， 咁嘅服务态度， 我仲俾， 真系超傻！"
讲真，以前我都好怕闻到羊膻味呢种味道，只系之后有机会去咗国外读书， 除咗当地天气冻，得几度，食羊肉可以保暖外， 最主要系因为有一次我同学介绍我食Lamb Doner, 开头我系Kebab Shop 门口见到一大条肉一大条肉咁插住系个炉上面， 傻傻地仲以为系大香肠或者系大火腿， 有什么特别！ 外国同香港嘅kebab shop做得好唔同， 外国系切咗一条条长身嘅羊肉片放入圆形口袋状嘅皮塔饼(Pita)，之后加配菜同sauce，肉同配菜比例大约系7 : 3 ，完全食到主菜系羊肉， 蔬菜系配菜， 味道鲜明， 仲自此令我疯狂爱上食羊添。
可是香港嘅lamb doner 大部分嘅做法都系将羊肉切成细片加配料再卷成roll, 令到羊肉同配菜卷成太紧密， 口感太过饱满同味道太多， 食唔出自己食紧什么东西~~
希望下次可以食到不错嘅Kebab喇~~
张贴
