和氣食堂 (河畔花園)

营业中

休息中

今日约左朋友仔系沙田河畔个度食饭，大家都想食日本菜，所以就去左和气食堂。我叫左极强特盛定食 (HKD 148) 有刺身寿司同烧黑豚腩丼，软壳蟹沙律，同跟餐饮，而我就要左忌廉。刺身寿司有6款咁多，分别系火炙左口鱼边寿司，油甘鱼寿司，帆立贝寿司，珍宝赤虾寿司，海胆寿司，三文鱼籽寿司。寿司非常新鲜，左口鱼同油甘鱼色泽鲜艳，入口即溶，正。帆立贝同赤虾都系珍宝size，非常厚肉鲜嫩，冇得顶呀。海胆同三文鱼籽分量黎讲非常大，最重要系一啲都唔腥而且好好味添。至于个烧黑豚腩丼，卖相唔错，黑豚腩非常瘦，唔韧好稔，酱汁同珍珠饭非常夹。个沙律有好多沙律菜，又有蕃茄，蟹籽，青瓜同栗米，好足料呀，最重要系只软壳蟹好大只又好好味。另外，追加左面豉汤，两款小食(HKD 16)。 呢两款小食我选择左炸虾卷同三文鱼寿司(2件)。 面豉汤非常足料，唔咸，好清甜。三文鱼好大块同好鲜甜，炸虾就热辣辣 。两者都好好味。非常肚饿既我食完呢次极强特盛定食感到史无前例既满足。