影片
更多
2023-09-12
520 浏览
同朋友睇完戏，食埋过早饭先返家～ 食完真系好满足极盛四色剌身丼三大只赤虾，底下仲有两大粒带子剌身，两样嘢都又肥美又鲜甜，一啖咬落去又有厚实感，相当有诚意。吞拿鱼蓉好重手，唔洗就住就住，都可以保证你食到尾都仲有剌身，唔会得返啲饭。最后隆重介绍大拖罗~ 油香，无筋，入口即溶，放入口妹下妹下最食得真佢嘅味道，真系好好食。我好奇到底呢碗身丼点解只系两旧水多啲，再上网翻查餐牌，见到其他人啲相话系配中拖罗，唔知系转咗餐牌？定系师傅免费升级？又或者系我将中拖罗当系大拖罗咁食？总之今次真系食到好嘢赚晒特盛酱油浓鸡白汤拉面一见到四大块肥瘦均匀、烧得香香嘅叉烧，又香口又入味，再次感到呢间嘢嘅诚意。流心蛋、紫菜呢啲基本配置都正常，反而佢嘅汤真系好特别，除咗食到浓郁嘅鸡汤味，佢仲有一阵淡淡嘅粟米味，令到个汤底无咁腻，好好入口铁板蒜香和牛粒和牛真系好适合切粒上，烧过嘅和牛少咗啲肥膏油，但又沾上牛油本身嘅香味，一啖一粒真系享受。美中不足系佢始终板上，最底下𠮶两粒和牛太长时间受热熟得济，显得无叠最上层𠮶啲咁出色梅酒柚子雪芭叫嘅时候有啲担心柚子雪芭会好酸，估唔到佢嘅柚子系带有几重嘅柚子甘香，微微甘苦嘅味道，再加上甜
食完真系好满足
极盛四色剌身丼
三大只赤虾，底下仲有两大粒带子剌身，两样嘢都又肥美又鲜甜，一啖咬落去又有厚实感，相当有诚意。
吞拿鱼蓉好重手，唔洗就住就住，都可以保证你食到尾都仲有剌身，唔会得返啲饭。
极盛四色剌身丼
5 浏览
0 赞好
0 留言
最后隆重介绍大拖罗~
油香，无筋，入口即溶，放入口妹下妹下最食得真佢嘅味道，真系好好食。
我好奇到底呢碗身丼点解只系两旧水多啲，再上网翻查餐牌，见到其他人啲相话系配中拖罗，唔知系转咗餐牌？定系师傅免费升级？又或者系我将中拖罗当系大拖罗咁食？总之今次真系食到好嘢赚晒
特盛酱油浓鸡白汤拉面
一见到四大块肥瘦均匀、烧得香香嘅叉烧，又香口又入味，再次感到呢间嘢嘅诚意。
流心蛋、紫菜呢啲基本配置都正常，反而佢嘅汤真系好特别，除咗食到浓郁嘅鸡汤味，佢仲有一阵淡淡嘅粟米味，令到个汤底无咁腻，好好入口
铁板蒜香和牛粒
和牛真系好适合切粒上，烧过嘅和牛少咗啲肥膏油，但又沾上牛油本身嘅香味，一啖一粒真系享受。
美中不足系佢始终板上，最底下𠮶两粒和牛太长时间受热熟得济，显得无叠最上层𠮶啲咁出色
梅酒柚子雪芭
叫嘅时候有啲担心柚子雪芭会好酸，估唔到佢嘅柚子系带有几重嘅柚子甘香，微微甘苦嘅味道，再加上甜甜嘅梅酒，比我地带住清爽嘅感觉结束呢个有诚意嘅晚餐
特别要提一提，
呢度啲服务员又有礼貌又细心，加茶加得又快，收碗嘅时候又会好细心留意汤面碗底啲汤汁唔好滴到人，有heart
张贴
