串燒王 (祥興樓)

营业中

休息中

今日同同事去旺角朗豪坊行街买圣诞节嘅交换礼物。行左阵见肚饿就去觅食。冬天冻冻地想食烧烤就谂起：砵兰街食烧烤好出名。咁多间烧烤店之中呢一间门口个霓虹灯系最吸引。好有香港特色, 离远都望到。一入餐厅已经闻到好大阵蒜蓉烧烤味, 餐厅姐姐态度友善、热情介绍店内人气烧烤：沙爹鸡肉串同烧鸡中翼。我哋两个女仔胃口细拣左两个串烧肉类、菇、茄子仲有一个主食。所有串烧都系即叫即整, 热辣辣咁食。一坐低冇耐, 好快就有玉子烧上台, 蛋香味浓郁、食落有咬口、有少少甜蜜蜜的味道。串烧店之中嘅清新之选。烧茄子蒜香味十足, 分量大, 原只开边烧。食到舐舐脷😋蒜蓉金针菇仲有鸡脾菇同其他杂菇, 种类丰富牛油味香浓。十分满足。花甲粉少辣，香味扑鼻令人食指大动，花甲数量多又有娃娃菜底，十分健康。串烧够晒火候🤣孜然味重，份量够👍🏼下次经过油麻地可以再同朋友食。