輝記車仔麵

营业中

休息中

继续支持小店，系附近等紧拍嘢（有时多谢份工俾我周围走，可以食唔同嘅嘢），发现有间好多人帮衬嘅面店。天气热到咁，大家都好享受坐系小店外小小嘅位置食。唔好睇佢店细细，选择都算多。有粗幼油面，够哂风味嘅车仔面，已经买少见少啦。呢间系家庭式嘅食店，帮衬个晚，见到系老板娘煮，囡囡就帮手，两个无乜点开口都知道要点配合。我叫咗粗面，𩠌要豆卜鱼蛋（哈哈，我就系易养），唔可以唔加嘅系腩汁o(^▽^)o，成个面系好好味！鱼蛋大大粒，豆卜充满汤头，面都滚得刚刚好，唔会太淋。21元，完全系抵到喊！