沾仔記麵食

营业中

休息中

餐厅：沾仔记面食地点：佐敦庙街菜式：面餐牌：汤面（面，河，米），轻食，饮品，外卖生料，火锅配料三拼 $47三拼有鲜虾云吞两只，鲜鲮鱼球两大只同新鲜牛肉6，7片。鲜虾云吞皮薄馅料爽脆，见到唔少虾肉。鲜鲮鱼球好鲜味而口感滑溜弹牙，绝对系啖啖肉。新鲜牛肉都系好弹牙同啖啖肉。三样材料都好食！加有韭黄段。拼菜 $6拼菜有生菜，通菜同菜心拣。通菜份量好多，差唔多有一碗。转虾籽捞面 $12面系幼身，有蛋香又有咬口，质感较干身，我钟意加汤一齐食。附上两条嫩到爆菜心苗。甜酸炸云吞 大 $45甜酸炸云吞一客五只，炸到金黄色，整得皮脆肉爽，配有甜酸酱，味道更好。蚬蚧鲮鱼球 大 $45蚬蚧鲮鱼球都系一客五只，炸到金黄色，皮脆肉弹牙，啖啖肉！蚬蚧咸香十足，有两大只蚬。时令油菜 $26时令油菜叫左豆苗，翠绿嫩口，加左少少蚝油就够味。份量足有一碗。低糖豆浆  $8低糖豆浆系瓶装，够冻，仲附上胶饮管。食物质素唔错，餐厅地方干净，装修光猛，唔怪之得平日午餐时间都好满。