Nissa la Bella (差館上街)

营业中

休息中

同上环返工朋友饭聚，佢带左我黎呢个上环嘅地铺「NISSA LA BELLA」。为求方便我地叫左个二人餐，包甜品但就冇包野饮。前菜试左「菊苣沙律」，传统的罗马菊苣沙律菜，脆脆的很清爽，配上核桃，蓝芝士，再伴上切片梨片，口感丰富，第一次食呢只沙律，好钟意！另一款「自家制法式肉酱」，有啲似鹅肝酱，好特别，查落脆脆既面包，好似食紧鹅肝多士。主菜试左「烤大西洋鲈鱼」，大大份鲈鱼配忌廉菠菜，味道中上，调味岩岩好，唔会太淡，呢款鱼有时啲厨师会煮到好淡冇乜啫。另外原本想试「龙虾扁意大利面」，但龙虾已经卖晒，改左大虎虾。虽然感觉有少少downgrade 左，但个意大利粉整得好唔错，虾都好新鲜，冇失望到。最钟意系两个甜品，话说我地试完主菜好耐挂住倾计冇催佢上甜品，Waiter 主动过黎话甜品仲整紧，可见佢系即整即上，好少见。个热辣辣嘅「lemon tart」真系新鲜出炉！个「巴夫洛瓦蛋白霜」都睇得出好俾心机整出黎，两款都好好味，值得再试！我地坐左几个钟，发现多数都系外国人帮衬，而且多数系预约左，睇黎佢系外国人入面应该都几受欢迎。