影片
更多
2022-08-07
2464 浏览
同家人食饭有老人家，订位时有问有无老人家，话有可以安排房等坐得松动啲，都几好坐下面果层，但地下好滑好跣… 本来见个房咁远怕无人理，还好都有侍应不停加水加茶，换碟收碟咁，服务都算唔错叫咗六人餐，份量好充足，法式越南餐系咪都系西餐咁？所有嘢都砌好六件唔洗分。先上南瓜海皇羹，好多料，啖啖都有虾肉，有少少蟹肉，好creamy 味道都好香浓再上有拼盘，扎肉越南菜必备。 但整体个拼盘无乜特别，果料圆形以为虾丸但原来只系鱼蛋（我谂多咗…） 一上个烧鳝大家呆咗… 好大件一件！条鳝到底有几大？！😳 味道好食嘅，烧汁但又有少少蜜汁甜甜地，而且好够火喉，咁厚肉都烧得皮有少少香脆👍🏻 好喜欢呢味！ 有酒就正喇🤭食完个汤加个鳝其实都饱左一半… 都几漏… 仲有个一字骨，都系肉… 侍应话下面啲柠粉嚟，可以加鱼露捞咗食埋… 试下，但佢吸晒上面条骨啲油同汁…. 吾，如果你唔介意食油腻，都好食嘅… 我就觉得太油腻… 个一字肉无汁，但食落好有肉汁同偏肥，所以就算无嘢点都唔会好干身，刚上碟仲有少少烧香味，唔错👍🏻 上咗个烧大虾（原来法式越南菜系主打烧烤？？？） 上枱果时6只虾，都几大堆头… 虾好大，只只都有膏，但食落我果只有
坐下面果层，但地下好滑好跣…
本来见个房咁远怕无人理，还好都有侍应不停加水加茶，换碟收碟咁，服务都算唔错
叫咗六人餐，份量好充足，法式越南餐系咪都系西餐咁？所有嘢都砌好六件唔洗分。
先上南瓜海皇羹，好多料，啖啖都有虾肉，有少少蟹肉，好creamy 味道都好香浓
再上有拼盘，扎肉越南菜必备。 但整体个拼盘无乜特别，果料圆形以为虾丸但原来只系鱼蛋（我谂多咗…）
一上个烧鳝大家呆咗… 好大件一件！条鳝到底有几大？！😳 味道好食嘅，烧汁但又有少少蜜汁甜甜地，而且好够火喉，咁厚肉都烧得皮有少少香脆👍🏻 好喜欢呢味！ 有酒就正喇🤭
食完个汤加个鳝其实都饱左一半… 都几漏…
仲有个一字骨，都系肉… 侍应话下面啲柠粉嚟，可以加鱼露捞咗食埋… 试下，但佢吸晒上面条骨啲油同汁…. 吾，如果你唔介意食油腻，都好食嘅… 我就觉得太油腻…
个一字肉无汁，但食落好有肉汁同偏肥，所以就算无嘢点都唔会好干身，刚上碟仲有少少烧香味，唔错👍🏻
上咗个烧大虾
（原来法式越南菜系主打烧烤？？？）
上枱果时6只虾，都几大堆头… 虾好大，只只都有膏，但食落我果只有啲「梅」 唔新鲜… 大打折扣.. 话晒都唔平…
仲有个咖哩牛腩煲同蒜蓉包，忘记影😅
牛腩煲好多牛筋，大半都系牛筋得一两件腩… 系咪应该叫牛筋煲… 味道都好食，几正宗，唔会辣系香椰汁
最后跟餐有一件班兰糕，另外再叫左四碗当晚甜品，椰青糕（好似咁名）
系一碗白雪雪，好似炖奶咁，食落劲香椰青味，好滑口又唔会太甜，中间有少量椰青肉，劲好食！太好食一嚟就食咗相都无张😅
一家人嚟食都唔错，环境服务都好，以为佢旧派嘢会系啲传统少少西餐嘅管理，但又唔系…
味道好食，位置都好方便，有代客泊车又近k11
但价钱就真系好贵…$3680/6人餐加一…每人都6xx 虽然好够饱，但主要系肉，如果加少少茶就好喇…
除左只虾，其他用料都新鲜同足料，值得一试👍🏻
张贴
