Le Grande Bleu (已結業)

呢日同男朋友庆祝周年纪念，佢带左我黎跑马地呢间法国餐厅食dinner，好惊喜。门口望落去好低调，入到去见到餐厅有open kitchen ，可以欣赏厨师烹调过程。晚市有两个set可以选择，分别系signature set同埋premium set，今次拣咗平啲嘅signature set，$680一位。另外仲可以加$168任饮酒。首先有羊肚菌忌廉蘑菇汤，汤好浓郁，仲有粒粒蘑菇既口感。前菜系日本带子伴烟三文鱼刁草慕丝，带子大大粒，好鲜甜。下一道菜系慢煮鲜鲍鱼伴鲍鱼肝酱，好高级。另外仲有白花胶伴法式藜麦白汁，系平时西餐好少见到嘅菜式。最后一道菜系新派意大利饭，有三款细细碗嘅意大利饭，分别加入咗鱼籽酱、三文鱼子同埋烧汁鲍鱼。甜品可以拣苹果金宝蛋糕或者柚子芝士蛋糕，我哋每样点咗一件，两样都有靓又好食。