影片
更多
2013-02-22
240 浏览
年廿九食团年饭，年初二就食开年盆菜，咁年初一晚食乜好？咪食情人节晚餐啰，咁多年嚟，同老婆都有共识，唔会晌情人节正日出去食大餐，因为我哋都喺啲实实际际嘅人，无谓被人锯啦！所以，通常会早几日去食，今年嘅情人节夹住晌农历年后，故此咪拣咗晌大年初一依晚庆祝啰。近排有啲运仔，早前晌一个饮食网站玩啲写食评游戏，中咗个黄金海岸酒店聆沨咖啡厅嘅燕窝自助晚餐，𠮶晚不知食得我哋几满足，试到好多特色菜，又叹咗好多甜品；今次嘅情人节晚餐又喺透过写食评游戏中番嚟，有啲估唔到架，所以真喺喜出望外，等小弟悭番今年情人节餐饭钱。Koh Thai有3间店，分别晌湾仔庄士敦道、中环云咸街以及中环半山，我哋所中嘅情人节套餐要指定晌中环半山分店享用，虽然位处半山，仲喺晌摩啰庙街、些利街咁僻，但唔难揾，因为就晌半山行人自动电梯上到笃尾就喺。铺面楼上原来喺露天位，摆放咗好多常绿植物，空间感强，甚有泰国风情，不过今晚天气都仲有啲冻，都喺拣坐下层室内位好啲。而下层嘅格局属酒吧餐厅，一室柔和灯光，富情调（依种场合就最考起小弟部DC仔，啲相影得差就请见谅），配衬米白色皮椅，好有情调，食情人节晚餐好啱气氛，就算唔喺咩大日子，跟爱人嚟撑枱脚
近排有啲运仔，早前晌一个饮食网站玩啲写食评游戏，中咗个黄金海岸酒店聆沨咖啡厅嘅燕窝自助晚餐，𠮶晚不知食得我哋几满足，试到好多特色菜，又叹咗好多甜品；今次嘅情人节晚餐又喺透过写食评游戏中番嚟，有啲估唔到架，所以真喺喜出望外，等小弟悭番今年情人节餐饭钱。
Koh Thai有3间店，分别晌湾仔庄士敦道、中环云咸街以及中环半山，我哋所中嘅情人节套餐要指定晌中环半山分店享用，虽然位处半山，仲喺晌摩啰庙街、些利街咁僻，但唔难揾，因为就晌半山行人自动电梯上到笃尾就喺。铺面楼上原来喺露天位，摆放咗好多常绿植物，空间感强，甚有泰国风情，不过今晚天气都仲有啲冻，都喺拣坐下层室内位好啲。而下层嘅格局属酒吧餐厅，一室柔和灯光，富情调（依种场合就最考起小弟部DC仔，啲相影得差就请见谅），配衬米白色皮椅，好有情调，食情人节晚餐好啱气氛，就算唔喺咩大日子，跟爱人嚟撑枱脚都好合适。
价值$660嘅情人节套餐分别有前菜、汤、主菜及甜品４道菜，份量啱啱好够二人享用，因为除前菜，汤、主菜及甜品都喺一份俾两个人食。
特色石榴汽酒餐前先嚟1人1杯餐前酒湿润一吓味蕾，「汽酒」下意识谂住会喺有气葡萄酒之类，色泽金黄透彻，但见又无乜气泡，呷一口，觉得应该似喺白酒，酒精度唔高，易入口。而沉积于底部粉红嘅喺石榴糖浆，做鸡尾酒常用材料，成份都喺啲糖浆、香精、食用色素，跟石榴无关，加上杯特饮唔喺鸡尾酒，无将两者沟埋，所以觉得啲石榴糖浆用嚟调色大过调味。视觉效果就好靓，味道就跟饮一杯白餐酒唔太大分别！
椰青椰汁鸡汤虽然叫椰汁鸡汤，但浅白色嘅鸡汤味道跟冬荫汤好相似，只喺辣度无咁重手。以原个椰青上枱，卖相标致，打开「椰青盖」，盛有满满嘅椰肉及鸡肉。浓郁嘅鸡汤混入椰浆、南姜、香茅打做，质感柔滑，既香带辣又微酸，醒胃之余，尝到味道嘅层次，喺味觉嘅小测试；汤内配料可不少呀，鲜甜大大旧嘅椰青肉，嫩滑嘅鸡柳肉，仲有陪衬嘅草菇，丰富味美，真喺有姿势有实际，估唔到个汤咁好饮，绝对值得推介。
薯蓉蟹饼配泰式甜辣酱本来餐牌嘅前菜喺「鲜炸猪肉虾饼串配泰式甜辣酱」或「蛋包香炒鲜虾鸡粒」（二选一），不过临时改咗为蟹饼，当然虾饼蟹饼都无所谓。蟹饼卖相精简，外观、呎吋都有啲似麦记块煎猪柳，香煎两面再跟沙律菜伴泰式甜辣酱。蟹饼以薯丝拌蟹肉搓成，切开不单睇到薯丝丝丝幼细，口感比薯蓉多少少质感，不过蟹肉食落觉得稍为碎湿湿啲，而且好似唔喺好多；蟹饼本身都已经够味，但蘸点泰式甜辣酱，咁就特别惹味，仲颇为刺激。
泰式炭烧羊架配青柠汁及藏红花饭主菜可以选泰式炭烧羊架配青柠汁及藏红花饭或烧三文鱼配红咖哩汁及白饭，烧羊架或三文都OK，不过藏红花饭就似乎较特别，所以主菜选上前者。卖相摆得几立体，以西兰花垫起3支羊架，再插上几片薄荷叶，再配上倒出心形嘅藏红花饭。羊架烧得有炭烧香，生熟度拿捏准，肉质软腍又富肉汁，加上油香得嚟唔太膻，其实再膻啲小弟仲喜欢，整体个羊架做得出色；藏红花饭又如何？藏红花另一个名叫番红花，除匀重量计，藏红花算喺世界上最昂贵嘅香料，主要用作食物香料，整西班牙海鲜饭必备嘅材料，好似亦有啲医药，不过小弟对藏红花止于依啲睇饮食杂志嘅料，实际就未食过。加咗藏红花嘅饭，味道都只喺多咗朕香料味，又唔觉有咩特突出，反对捞埋伴碟炸干葱仲有啲咬口，算小弟未到识领会藏红花嘅层次。
炸香蕉配椰子雪糕甜品又喺二选一，老婆对奶冻类甜品一向麻麻，所以红桑子奶冻虽然喺餐厅经理David推介，但我哋都喺属意炸香蕉配椰子雪糕，再者，感觉炸香蕉依道甜品较有泰式风味。香蕉熟透程度啱啱好，唔会有生生哋嘅酸味，又唔会有熟到又烂又腍嘅质感，咦！点解唔喺炸嘅，David送上枱时就解释，因为个炸炉今日用咗好多，再炸香蕉依类甜嘢出嚟效果唔喺咁靓，所以就改用煮，都好无咁热气，因为今早食煎糕，晏昼饮茶又有煎糕，未来几日啲团拜都喺煎啲乜糕物糕。香蕉用糖水煮过后，再淋上热糖浆，蕉肉软熟香甜甜到入心，夹埋香滑嘅椰子雪糕又有冰火效果，咁多糖浆唔好嘥，淋上雪糕就变咗焦糖椰子雪糕，真喺一道甜品几种食法、几种味道，正。
食物质素有水准，环境、气氛亦唔错，好似老婆所坐嘅小圆櫈，好挨又好坐。店员嘅招呼殷勤有礼，上菜速度合适，换碟、斟水亦恰到好处，尤其经理David，一脸泰国人面孔，以小弟小学鸡英文几惊沟通唔到，点知佢一出口啲广东话几正呀，说话温文又面带笑容，所以食完都同佢倾多几句，问吓啲𩠌菜做法，佢就有问必答。 最后，仲有份好实用嘅小小情人节礼物，一门四杰anna lotan专业护肤产品：植物爽肤水、矿物洁面啫喱、舒缓保湿啫喱……等，虽然都喺啲试用装，但都反应店家一份小心意。另外加多张甜品赠券，食满$300额外送一客甜品，依个就摆明「利诱」再帮衬，在商言商好策略！再次多谢有关网页及Koh Thai，让我俩有个温馨晚上！
张贴
