水門雞飯 (豉油街)

营业中

休息中

如果谂起食海南鸡，大家会谂到去边？香港有唔少分店嘅水门鸡饭一定系我嘅首选。适逢星期五放工，门口企满了等位嘅客人，我哋等咗大约10分钟就有位。餐厅定价十分亲民，我哋两个人叫咗半只海南鸡，香叶肉碎太阳蛋饭，泰式炒冬菜另外仲叫咗两杯饮品，包括泰式柠檬茶及梳打水。海南鸡全只都起咗骨，仲包括咗鸡杂有鸡肾鸡肠等等配上餐厅，自家制酱汁非常开胃。香叶肉碎煎蛋饭热非常有镬气配上㶶边太阳蛋，将蛋黄及鸡油饭搅拌非常惹味。泰式炒通菜仲可以拣少盐少油，好少餐厅可以俾客人咁样选择，非常有镬气，而且健康。本身谂住叫杯冻柠茶解渴，原来餐厅系用上泰式茶叶，有别于港式柠檬茶。最后埋单只需要$250喺香港嚟讲价格非常亲民，以后都唔使飞去泰国已经可以食到正宗海南鸡。