The Spice House Restaurant

营业中

休息中

因为买左团购关系，我同朋友本身系网上订位订同一条街o既肉桂正宗印度餐厅，点知上到去唔知系装修定系执笠，冇得食成肚气，于是我同朋友近近地就黎左呢间泰式快餐厅，反正见佢门口写明午餐都唔贵，都系四十蚊左右。入到去间餐厅，地方好细，每个位都坐得好迫，大部份食客都系食完就走，因为实在坐得唔舒服。我同朋友好快就拣左香叶肉碎饭同食咖喱鱼柳饭，仲有杯冻龙眼特饮，我地两个share个饭食，哈! 同一时间试晒二个餐。香叶肉碎相对辣，有肉碎伴饭都几开胃，加埋咖喱汁，简直绝配。咖喱味浓，唔辣，都几香同重椰汁味，鱼柳冇乜太大特别同惊喜，都算系正宗泰国咖喱，因为侍应个样都似泰国人，但我地可以同佢地讲广东话。龙眼冰味唔系好浓，虽然比左几粒龙眼，反而净食龙眼仲好味。我地差唔多食完，我地先留意到有个老外食客，咁难揾的地方都比佢揾到，不过老外一d都唔似游客，似系附近番工，证明都系好野。我同朋友话下次再黎试埋餐单另外二款午餐。