影片
更多
2015-06-24
566 浏览
有少部份泰国基因嘅我，上星期先自己挑战整泰式凤爪，今日就同班嗜辣既朋友黎挑战泰国菜，发掘泰国之乐园，为之后既泰国trip打打底。柚子虾沙律依家天气好热，开胃菜最啱食啲有凉又好味嘅沙律。柚子虾沙律都算系泰国菜必叫，因为呢款菜集齐咸(鱼露)、酸(青柠）、甜(柚子）、辣（辣椒）既味道，最钟意𠮶啲炸香咗嘅干葱同埋蒜头碎，柚子超甜多汁。椰汁鸡汤同冬阴公嘅材料基本上系一样，入口舒服，因为微辣，而且充满椰奶同南姜嘅香味。生腌奄仔蟹 （必试招牌菜！！！）生蟹除左酱油蟹真系无试过，今次泰式真系第一次，奄仔蟹蟹膏鲜黄色好多好肥美甘甜，而且蟹肉鲜甜嫩滑，可以直接吸入喉咙，大量蒜片、辣椒同蒜蓉可以提升其鲜度。泰式海南鸡上桌一见系超黄既黄油鸡，外皮具光泽，鸡肉超滑及非常够味，加埋佢个泰式辣酱及姜蓉真系无得顶！辣爆海旋风呢个辣椒酱系餐厅秘制，我地order左特辣，一捞见到红油满布同粒粒既辣椒籽，真系睇见到兴奋。东风螺索晒辣椒汁，肉质爽滑，超正！南瓜海上鲜原个鲜南瓜整，海上鲜有大头虾、鱿鱼同鱼柳等，呢个系较杰身d有加蛋既红咖喱，入口比较带甜，同海上鲜相衬，岩怕辣d既朋友，而且送饭一流啦!鱼生拼盘各款刺身都可以配豉油
柚子虾沙律
依家天气好热，开胃菜最啱食啲有凉又好味嘅沙律。柚子虾沙律都算系泰国菜必叫，因为呢款菜集齐咸(鱼露)、酸(青柠）、甜(柚子）、辣（辣椒）既味道，最钟意𠮶啲炸香咗嘅干葱同埋蒜头碎，柚子超甜多汁。
椰汁鸡汤
同冬阴公嘅材料基本上系一样，入口舒服，因为微辣，而且充满椰奶同南姜嘅香味。生腌奄仔蟹 （必试招牌菜！！！）
生蟹除左酱油蟹真系无试过，今次泰式真系第一次，奄仔蟹蟹膏鲜黄色好多好肥美甘甜，而且蟹肉鲜甜嫩滑，可以直接吸入喉咙，大量蒜片、辣椒同蒜蓉可以提升其鲜度。泰式海南鸡
上桌一见系超黄既黄油鸡，外皮具光泽，鸡肉超滑及非常够味，加埋佢个泰式辣酱及姜蓉真系无得顶！辣爆海旋风
呢个辣椒酱系餐厅秘制，我地order左特辣，一捞见到红油满布同粒粒既辣椒籽，真系睇见到兴奋。东风螺索晒辣椒汁，肉质爽滑，超正！南瓜海上鲜
原个鲜南瓜整，海上鲜有大头虾、鱿鱼同鱼柳等，呢个系较杰身d有加蛋既红咖喱，入口比较带甜，同海上鲜相衬，岩怕辣d既朋友，而且送饭一流啦!鱼生拼盘
各款刺身都可以配豉油或者泰式海鲜酸辣汁我既首选系蛏子，超爽口甜美；生虾排第二，肉质鲜爽，点辣汁加埋辣椒蒜，让条脷刺激一番，正；带子厚身肥美；象拔绑则普通。
虾酱炒饭
个蛋网做得好靓，黄金甲咁包住d炒饭，唯一一度唔系辣既菜，非常惹味开胃，食落淡淡既虾酱味，愈食愈出。绵绵冰
天气真系好热，食完啲泰国菜个口真系有啲辣，所以叫咗啲甜品来试吓解下暑。西瓜可以话系夏日必备，而且宜家当造。真系估唔到一间泰国餐厅可以做出咁好味嘅绵绵冰，每个都原个西瓜上架，分别有四种口味：豆腐、益力多、榴连、芒果！
份量好大，豆腐味既绵绵冰超浓，好似食紧豆腐咁啦，而且绵绵冰真绵真滑，无硬块或杂质，真系好好味，完全喜出望外!
死啦，次次食完泰国野都思乡，暑假又去泰国一转？
张贴
