泰金船

营业中

休息中

今晚同老公近近地，去左马鞍山果边村屋食晚饭，呢间系新开泰国菜。餐厅系泰国人做主理，环境干净，整齐舒服，越夜越多人。餐牌都几多嘢食，我哋叫左个沙律、汤、烧羊架同炒饭，另外仲叫左啤酒同沙冰。泰式凤爪沙律：凤爪无骨爽口，里面有菜、洋葱同蕃茄仔等配料，口感清新，辣味十足，越食越辣，几惹味。冬阴功汤 (小)：有两只大虾，虾肉新鲜结实，另外仲有好多菇，味道酸酸甜甜，唔会太辣，几好饮。烧羊架：烧得几靓，好有炭香味道。咬落juicy，好多肉汁，调味啱啱好，点埋旁边泰式汁仲好食。虾酱炒饭：猪肉松甜甜地，泰国腊肠咸咸香香，炒饭粒粒分明，唔会太油，虾酱味香，里面有豆同洋葱等配料，整体味道甜甜地，几好食。饮品：老公叫咗泰国象啤，呢款啤酒都几清，唔会太浊，几好。我就叫左芒果沙冰，用料足，芒果甜，味道浓，唔错。