泰然 (長發廣場)

营业中

休息中

今日朋友三个人去咗试呢间系长发邨嘅泰国餐厅，一直都知有呢间嘢，不过真系上网睇先知咁出名。三个人总共叫咗六个𩠌，份量超够，仲差啲食唔晒。我地叫咗个招牌焗黄咖喱面包软壳蟹、蟹肉炒饭、泰式酸辣凤爪沙律、椰青蚬汤、马拉盏通菜，最后仲加多左个芒果糯米饭，嘢饮方面叫咗珍多冰同埋椰汁冰。个人嚟讲十分推荐通菜同蟹肉炒饭，甜品同嘢饮就唔洗讲，如果你系一个钟意椰子口味嘅人就一定要试吓！同行嘅朋友都好surprise，味道十分香浓！芒果糯米饭嘅糯米口感做得十分之好，不过相对芒果就酸咗少少。但沟埋一齐都唔错👍🏻菜式味道方面互整体算系偏港式嘅泰国菜，唔会太酸同味道过浓，的确系比较适合香港人嘅口味。性价比都好高，黄咖喱面包软壳蟹都系$188，三个人嚟食都算多，可能四个人啱啱好。估唔到香港嘅小型商场都咁高质嘅泰国菜餐厅，会再嚟😄。