Mango Tree

营业中

休息中

今次去咗圆方食泰国菜，之前去过呢间餐厅食下午茶，觉得几唔错，近排见佢出咗新menu，一于去试试！酸辣鲜鲍鱼沙律鲍鱼有四只，已开边方便食用，入口厚肉爽弹，配泰式酸辣汁，酸酸辣辣非常开胃。龙虾海鲜泰北咖喱捞面平时食嘅泰北咖喱捞面都系配鸡锤，而呢到系配龙虾海鲜，显得格外矜贵。除咗龙虾之外，仲有两只扇贝同原条鲜鱿，非常丰富。面条分为两种，一种系炸脆，另一种系煮软，捞埋咖喱汁一齐食有双重口感，咖喱汁浓稠，椰汁味重，但唔会好辣，越食越滋味。椰汁青咖喱美国西冷扒西冷扒都几大块，煎至五成熟，里面仲系粉嫩嘅颜色，肉质厚实，味道香浓多汁，切成薄片方便食用，配上集酸、辣、甜于一身嘅青咖喱汁，简直系冲击味蕾。泰式辣汁烧原只扇贝扇贝有三只，火喉控制得宜，肉质嫩滑，泰式辣汁越食越惹味。粟米椰子新地自家制椰子雪糕，椰子味非常浓郁，真的超赞，加上粟米粒同椰青肉，令口感更丰富。泰式甜品拼盘有好多种甜品都想食，索性贪心啲叫个拼盘，拼盘有芒果糯米饭、斑兰千层糕、椰汁西米糕、椰青糕等，今次真系大满足。Mango Tango呢款系无酒精饮品，新鲜芒果汁加上橙汁，酸酸甜甜啱晒夏天饮。