泰Cool

营业中

休息中

最近去咗呢间位于九龙湾淘大商场四期嘅泰国菜餐厅，环境非常阔落，入面几个大鸟笼设计嘅座位非常吸睛，啱晒打卡，而且仲有2只好得意嘅猫猫🐱走嚟走去，劲得意。首先上场嘅食物系马拉盏炒通菜。马拉盏酱，味道浓郁咸鲜，系正宗泰国风味，带有微辣的香气，通菜亦炒得恰到好处，保持了原本的脆感，好食。跟住，我哋叫咗一份泰式炒牛河。牛肉切得厚薄适中，腌得几滑，炒嘅火候控制得几好，锁住牛肉嘅咗肉汁。河粉口感滑爽，唔知系咪加咗啲啲泰式鱼露，成个炒粉有种豉油鲜香，令人惊喜。然后嚟到主菜——泰皇咖喱软壳蟹酿巨型面包。呢道菜真系视觉同味觉嘅双重享受！软壳蟹炸到金黄酥脆，搭配浓郁的泰式黄咖喱酱汁，味道香浓，又唔会太咸，蟹肉鲜甜惹味。巨型农夫包外脆内软，吸收了咖喱汁，令人食到停唔到口。吃完主菜，当然唔能错够错过甜品。芒果糯米饭系我最爱嘅泰式甜品之一。佢哋嘅米饭香甜软糯，配合超甜嘅芒果，淋埋椰浆先系精髓啊，口感一流，推荐。讲埋饮品，我哋选择咗椰青和龙眼冰。椰青清爽可口，带有自然的甜味，饮一啖即刻feel到冰凉清爽；而龙眼冰口感更甘甜，龙眼数量多，十分满足。