影片
更多
2024-09-26
882 浏览
其实我哋啱啱去完泰国旅行返嚟，喺𠮶边已经食咗劲多泰菜。就系因为太好味，所以今晚都想再食泰菜。喺酒店附近行，见到旺角豉油街呢度有间水门鸡饭，门口有条龙，于是就一于试吓。不过费事等，所以买外卖返酒店食。买咗咁多嘢食，都系$300零蚊到，好抵食！话晒水门鸡饭，梗系要嗌佢个signature试吓啦。个鸡肉真系皮脆肉嫩，连埋皮食一啲都唔会觉得肥腻。油饭粒粒分明，味道恰到好处，配埋个鸡饭酱真系非常惹味！啖啖肉嘅串烧梗系唔少得啦……叫咗呢个串烧拼，有鸡肉同猪肉。鸡肉同埋猪肉都腌到好入味，带香茅香，食嘅时候当然要点佢浓滑重花生香嘅沙嗲酱啦！串烧鱿鱼$45两大只。我觉得系超值。佢个鱿鱼烧到啱啱好，唔会过熟，所以唔会好似擦子胶咁un。食落反而觉得脆口，容易咬断！所有烧物记得要点佢个酱汁，一绝！泰式炒通菜食泰菜梗系要食炒通菜少少虾酱嘅香，炒出嚟仍然保持翠绿！而且有啲蒜头面豉同辣椒，就更加出味！估唔到呢一间水门鸡饭同泰国食嘅都一样咁好味，挂住泰菜，但冇假期出国嘅话都不妨一试！
其实我哋啱啱去完泰国旅行返嚟，喺𠮶边已经食咗劲多泰菜。就系因为太好味，所以今晚都想再食泰菜。
喺酒店附近行，见到旺角豉油街呢度有间水门鸡饭，门口有条龙，于是就一于试吓。不过费事等，所以买外卖返酒店食。
买咗咁多嘢食，都系$300零蚊到，好抵食！
话晒水门鸡饭，梗系要嗌佢个signature试吓啦。
个鸡肉真系皮脆肉嫩，连埋皮食一啲都唔会觉得肥腻。
油饭粒粒分明，味道恰到好处，配埋个鸡饭酱真系非常惹味！
啖啖肉嘅串烧梗系唔少得啦……
叫咗呢个串烧拼，有鸡肉同猪肉。
鸡肉同埋猪肉都腌到好入味，带香茅香，食嘅时候当然要点佢浓滑重花生香嘅沙嗲酱啦！
串烧鱿鱼
$45两大只。我觉得系超值。
佢个鱿鱼烧到啱啱好，唔会过熟，所以唔会好似擦子胶咁un。
食落反而觉得脆口，容易咬断！
所有烧物记得要点佢个酱汁，一绝！
泰式炒通菜
食泰菜梗系要食炒通菜
少少虾酱嘅香，炒出嚟仍然保持翠绿！
而且有啲蒜头面豉同辣椒，就更加出味！
估唔到呢一间水门鸡饭同泰国食嘅都一样咁好味，挂住泰菜，但冇假期出国嘅话都不妨一试！
张贴
