迦米泰式小食 (已搬遷) 新店位置

去北角买完嘢，去买埋晚餐外卖返屋企，呢间同事食过大赞，话食物地度，去到门面简陋，透明胶帘阻挡冷气，入内座位好少，折枱胶櫈好简单，餐牌中英对照！店内嘅都系泰国口音嘅人，落咗单之后在店内等，即叫即做，所以要有耐心！开放式厨房，油烟避免不了！食物以微波食品盒盛装，无漏汁企理干净！泰式炒金边粉（$50）返到屋企已经冻咗（观塘大塞车）叉松咗之后食，金边粉烟韧，蕃茄酱香浓，酸酸地开胃，配料虾比较少，芽菜爽脆，蛋香浓，豆腐干丝有咬口！好味！（如果热食仲好）泰式猪颈肉饭（$55）白饭松软，烧猪颈肉薄切有咬口，有肉汁唔干，啲酱几得意，唔辣嘅麻酱！捞饭好好味！泰式青木瓜沙律（$45）微辣，木瓜丝幼细，索晒啲汁，好爽又酸甜惹味！好味！椰汁西米榚（$25）呢个比较失望，椰浆已结榚状，西米好多，质感淋身，但整体好木！唔够鲜香！一般食物几好味！好地度，不过环境一般，外卖好过堂食！店员有笑容有礼！