新泰東南亞餐廳 (興旺閣)

营业中

休息中

环境5分：新新地潮嘅东南亚餐厅格局，楼面超高。三层楼地方够大，D装饰物好有泰国风味，灯光暗，犹如置身泰国本土餐厅，可以畀五分。卫生5分：地方好整齐，Ｄ枱分得好开，空气好流通，卫生可以畀五分。服务5分：服务员态度好，招呼周到，不停帮你加上同清走D污糟碟，服务满分。味道4分：1)     杯青柠梳打系有气嘅Singha梳打水加埋青柠汁，开胃之余可以食多D嘢。2)     马拉盏通菜，泰国餐厅必食之选，少少辣，非常开胃。3)     蒜蓉越南牛油鸡翼，鸡翼炸到非常之透，好脆好入味。4)      青咖哩羊架入面有三大块羊架，再配多种蔬菜，包括西兰花，椰菜花，粟米仔，红萝卜条，咖哩汁真系有少少辣，非常惹味，送饭一流，羊架非常大块，好淋好有羊味。5)     呢个油饭真系好香， 配唔配咖哩汁都非常好食。6)      越南丝网春卷，个汁酸酸味味，配住生菜食，都几特别。7)      烧猪颈肉一碟有十多块，非常抵食，烧到好香唔会韧。抵食5分：平均人头二百几蚊就食到咁多款式嘅泰国嘢，仲可以加埋嘢饮，非常抵，可以畀五分。