泰滋美 (已結業)

喺铜锣湾开工，搞掂十二点几，唔知食乜好于是就跟住班打工仔，睇吓佢哋食咩，见有间泰国餐厅，价钱合理而且有位，就决定咗系呢间。餐牌有两页，一边系一般All day午市套餐另一边系Daily set午市套餐，由于星期三嘅套餐唔啱我胃口，我嗌咗个香叶肉碎煎蛋饭算。喺讲嘢食之前要讲一讲卫生，我哋坐低睇住阿姐抹枱但系张枱仲系黐笠笠，唔敢放对手落张枱上面。肉碎饭第一眼望落好颓，好似喺大学啲饭堂见到𠮶啲，虽然啲肉碎炒到干咗少少，不过味道系ok嘅，感咸哋，好彩只蛋仲生生哋，如果唔系就成碟一啲汁都冇。总结系ok嘅，颓咗啲不过未至于难食。