泰滋美 (已結業)

喺銅鑼灣開工，搞掂十二點幾，唔知食乜好於是就跟住班打工仔，睇吓佢哋食咩，見有間泰國餐廳，價錢合理而且有位，就決定咗係呢間。餐牌有兩頁，一邊係一般All day午市套餐另一邊係Daily set午市套餐，由於星期三嘅套餐唔啱我胃口，我嗌咗個香葉肉碎煎蛋飯算。喺講嘢食之前要講一講衛生，我哋坐低睇住阿姐抹枱但係張枱仲係黐笠笠，唔敢放對手落張枱上面。肉碎飯第一眼望落好頹，好似喺大學啲飯堂見到嗰啲，雖然啲肉碎炒到乾咗少少，不過味道係ok嘅，感咸哋，好彩隻蛋仲生生哋，如果唔係就成碟一啲汁都冇。總結係ok嘅，頹咗啲不過未至於難食。