The Platter (悦品度假酒店‧屯門)

营业中

休息中

爸爸生日，知道佢钟意食泰国野，适逢屯门悦品酒店做紧泰国主题自助餐，一于带爸爸黎食餐好嘅。餐厅装潢以火车为主题，很幸运地被安排坐「火车卡座」，感觉真系好似坐紧火车咁。食自助餐当然第一时间去睇下有咩食，冷盘有沙律、各种火腿及芝士，沙律菜好新鲜，作为开胃菜一流。虽然系泰国主题，但一样有鱼生及海鲜食，鱼生有三文鱼、吞拿鱼、八爪鱼、墨鱼及鲷鱼，每样都好新鲜肥美；而海鲜有青口、虾、面包蟹等等，都几多选择。食完冷盘梗系要试埋佢地嘅熟食，主推泰式串烧，配埋沙嗲酱更惹味；而黄咖哩鸡及泰式柠檬鱼柳亦好有泰国风味。食泰国野又点少得冬荫功？一打开盖已经见到好多虾，传黎阵阵香茅味，味道酸酸辣辣好过瘾。饮品有橙汁、冰茶、菊花茶、蔗汁等等，连啤酒都有，啱晒喜欢小酌嘅爸爸。最后当然系甜品时间，有各款糕点，仲有好多唔同味道嘅雪糕，为我地嘅午餐画上完美句号。