MAZ Thai & BBQ (已結業)

朋友话今晚带我食泰菜，但一到埗就发现门面同内里装潢设计都同平时嘅泰菜馆好唔同，完全无谂过泰菜都可以咁有格调，而且食物选择多元化，属于泰式Fusion，叫左几样食物都颇有质素，令我特别深刻嘅有以下呢几款：1 . 泰式生蚝唔讲完全唔知呢D卖相咁靓、一杯杯嘅竟然系生蚝！泰式生蚝味道系酸酸地，系相当开胃嘅下酒料理，原来个生蚝酱入面有柠檬、鱼露同薄荷等等调校成，咁样夹落生蚝度有几有新鲜感㖞！平时我比较钟意食焗蚝，因为怕生蚝果阵少少腥味，但呢个泰式整法就真系令我完全改观。生蚝本身亦甚有质素，滑入口中，生蚝酱配上生蚝带少少海水味同鲜甜味，喺口入面慢慢细味，味觉实在享受。2. 盐烧马友以前食过阿妈整嘅酒糟蒸马友，对呢款鱼相当有好感，而泰式整法又好有当地特色，用盐烧方式令鱼外皮更香、肉质更嫩，又能锁住肉汁，马友鱼本身味道鲜美，骨又偏少，鱼肉细润，点埋旁边嘅酸辣汁，更有提鲜作用。3. 芒果糯米饭又系个精致卖相已经令人好有好感，完全系高级西餐嘅presentation，细细杯细细啖咁品尝，糯米带点软黏嘅口感几有咬劲，芒果够香甜，食多几杯都唔过份。