泰然 (長發廣場)

营业中

休息中

今日约咗人去迪士尼，打算夜晚留低睇烟花，于是喺附近揾午餐食饱饱先入去🥰青衣城行8分钟左右有间泰国嘢都想试吓，于是就去咗食泰国嘢🥰个餐牌都几多嘢拣，其实佢仲有午市套餐。我哋两个人叫咗生虾，佢两款汁都系辣嘅，出奇地竟然系绿色辣过红色，只虾好爽口，配埋酸酸辣辣嘅汁好开胃。一向都好钟意食软壳蟹，所以叫咗个咖喱软壳蟹。佢个咖喱系唔辣嘅，个面包系一个土司咁大嘅份量，两个人都食唔晒。软壳蟹好足料，加埋有两只蟹。仲叫咗最钟意食嘅泰式猪颈肉，佢猪颈肉烧得好香，加埋个汁啱啱好。因为同行嘅朋友好钟意食海鲜，于是一定要嗌呢个大蚬煲。啲大蚬系冇沙既，而且仲有粉丝，好有惊喜。食泰国嘢点少得嘢饮，本来想饮奶盖红火龙果，点知卖晒，唯有转饮奶盖芒果。个芒果味就普通咗啲。