泰海鮮 (已結業)

趁而家疫情放宽，可以同朋友聚下，就谂到去屯门三圣邨食海鲜，众里寻他，我哋就选择了泰海鲜试一试。我们一行四人，点左海鲜汤、油盐水贵妃蚌、泰式香茅濑尿虾、辣酒煮花螺、油盐焗奄仔蟹、酥炸生蚝同白酒忌廉煮花甲乌冬底。首先上场的是海鲜汤，因为配料充足材料新鲜，所以汤味浓郁、鲜甜无比。跟住嘅贵妃蚌，亦都因为食材新鲜，不用加什么调味料，用油盐水勺，已经好鲜甜了，保留住蚌嘅鲜味。我嘅至爱赖尿虾，唔用传统嘅椒盐，改用泰式香茅，特别惹味，配料嘅腰果也不错呢。奄仔蟹，充满黄黄嘅肥膏，钟意食膏蟹嘅朋友，系唔错嘅选择。酥炸生蚝，外脆内滑，上碟时热腾腾的，小心荡手。辣酒煮花螺，螺肉爽有咬口，唔太辣。最后，大大只嘅花甲，用忌廉汁捞上乌冬，真系食到捧住个肚了！