泰特色泰國餐廳 (已結業)

今日2-12-2020 (Wed)妈嫣死忌,同老公放假去拜祭,买咩嘢俾妈妈呢?沙爹串烧,妈妈生前应该冇食过.我哋行经呢间,老公见到呢喥有串烧,我就好雀跃要买,$13.00一串,$36.00三串.咁我就要烧鸡全翼,猪颈肉同墨鱼丸,老公就要$20.00一盒嘅千层糕,同唔知几钱嘅芒果双色糯米饭,共收$101.00,即系芒果双色糯米饭要$45.00.买嘅时候,店员话未有串烧住,咁算啦,去第二喥买,点知又话揾人落嚟烧,由于即烧,都等好耐,为免继续嘥时间,老公就继续等,我就去买祭品.我哋拜祭完后就开餐.1. 墨鱼丸串烧有4粒,冇乜调味,蘸泰式辣汁系好啲嘅,不过我就唔蘸咁多喇.味道: 3分2. 猪颈肉串烧有5件都几厚,口感都仍弹,够味.味道: 4分3. 鸡全翼都好似冇乜调味,淡淡地.味道: 3分4. $45.00嘅芒果双色糯米饭双色嘅意思系有黑,白糯米,由于冻咗,所以黑糯米比较硬,但白糯米又正常软糯,好味.芒果唔会太酸,几正.味道: 5分5. $20.00 嘅千层糕口感软绵绵,但我食唔出咩味,应该都系椰汁斑兰啩,但味道比较淡.味道: 2.8 分抵食系2.7分