Lemongrass (已結業)

收工同女友去左行街，行左阵肚饿所以去左揾食～经过见到呢间食泰国菜，价钱又唔贵，所以拣左呢到。坐左喺水吧附近，上面黑板写左有咩野饮。($68两杯)我地两杯就拣左椰子同蓝蝶花椰果冰，其实我唔知蓝蝶花系咩味，剩系知饮落杯青柠底既野饮到有阵清香味，令到杯野无咁重甜同酸味。串烧半打，要左3牛3鸡，串烧其实无太大特别，无烧到干。而佢兜沙嗲酱好好味，如果再多啲酱狠不得拎黎捞饭。泰式蔗虾，热辣辣出黎食落好香口，无一般舖头食开咁实，好明显系人手造的。香芒软壳蟹米纸卷，米纸包住粉丝、萝卜丝同青瓜丝，芒果唔多只系拎黎吊味，令到成碟野清新好多，亦减低左软壳蟹既油腻感觉。青咖哩鸡，用椰汁煮既关系所以好香，味道唔错，不过就稍为偏辣。芒果糯米饭，食泰国菜无人唔识既甜品，白糯米比较香同软身，黑糯米就比较烟韧，芒果超甜。