影片
更多
2014-12-13
2545 浏览
做饮食，区区都喺个战场，好似泰菜馆，晌饮食网站查一查，单单一个细细哋嘅尖沙咀区就有成30多间，虽话有本地客，又有游客，但竞争应该依然剧烈。为悭成本，唔少餐厅都上晒楼，今晚嚟到新开无耐嘅「泰园」，唔止上楼，尝泰菜要有个新态度，因为泰菜馆仲有刺身食 ，的确少有。餐厅占商厦全层，一出电梯就喺，用餐区呈L形，室内环境相当之大，楼底又高，灰色云石，深啡木枱衬绿色皮椅，无一般传统泰菜馆嘅感觉，型格得嚟仲有少少科幻感 。靠落地玻璃窗一排位固然有街景睇吓，感觉好啲，不过，最里面几张卡位，因为挨背够高，私隐度亦好啲。餐厅中央位置放有多款新入货嘅海鲜，如：大元贝、贵妃蚌、大鱿鱼、虎虾……等等，最啱做炭烧菜式，一尝食材真味 。例行公事，梗先翻一翻餐牌，大概了解吓有咩选择。由沙律、头盘、肉类、海鲜、汤类、蔬菜、粉 / 饭、饮品及甜品，基本上一应俱全。虽话位处尖沙咀，但定价又唔算贵㖞，好似头盘咁，除泰式生虾、蛳蚶、拼盘外，大部份都喺五、六十有交易，肉类都唔过百，而饭面都喺六、七十搞掂，实属相宜。先嚟几款饮品，朋友拣嘅椰青（$38），评语喺冰凉清甜，而椰汁冰（$20）或许有人觉得普通，但喜爱椰香嘅朋友，就会
餐厅占商厦全层，一出电梯就喺，用餐区呈L形，室内环境相当之大，楼底又高，灰色云石，深啡木枱衬绿色皮椅，无一般传统泰菜馆嘅感觉，型格得嚟仲有少少科幻感 。靠落地玻璃窗一排位固然有街景睇吓，感觉好啲，不过，最里面几张卡位，因为挨背够高，私隐度亦好啲。
餐厅中央位置放有多款新入货嘅海鲜，如：大元贝、贵妃蚌、大鱿鱼、虎虾……等等，最啱做炭烧菜式，一尝食材真味 。
例行公事，梗先翻一翻餐牌，大概了解吓有咩选择。由沙律、头盘、肉类、海鲜、汤类、蔬菜、粉 / 饭、饮品及甜品，基本上一应俱全。虽话位处尖沙咀，但定价又唔算贵㖞，好似头盘咁，除泰式生虾、蛳蚶、拼盘外，大部份都喺五、六十有交易，肉类都唔过百，而饭面都喺六、七十搞掂，实属相宜。
先嚟几款饮品，朋友拣嘅椰青（$38），评语喺冰凉清甜，而椰汁冰（$20）或许有人觉得普通，但喜爱椰香嘅朋友，就会觉得浓香好饮。小弟就较爱晌秋冬滋润嘅感觉，所以点一杯龙眼冰（$38），透彻嘅糖水少甜，龙眼肉又有健脾胃之效 。题外话讲开，侍客嘅暖水唔喺普通开水，而喺香茅茶，渗有淡淡香茅味。
椰青
$38
75 浏览
1 赞好
0 留言
椰汁冰
$20
44 浏览
1 赞好
0 留言
龙眼冰
$20
61 浏览
1 赞好
0 留言
卖相吸引嘅泰式生虾，一客有8只，泰式生虾最紧要趁冻食，店员温馨提示过生虾上嘅泰国辣椒都几辣，所以，夹埋块生蒜片，沾少少秘制泰酱食就可以喇。虾肉鲜甜爽口，泰酱辣得嚟有点点青柠香，刺激开胃。
泰式生虾
$108
57 浏览
0 赞好
0 留言
泰式生虾
$108
74 浏览
1 赞好
0 留言
印象中真喺好少泰菜馆有刺身供应（生虾除外），因为要攞个刺身牌先可以卖鱼生，但一次过又泰菜，又鱼生，可谓双重滋味。由于佢哋唔喺寿司铺、鱼生店，所以，所有刺身种类都视乎当日有咩新鲜货返，我哋就选咗原条𫚭鱼、蛏子及帆立贝嚟做刺身，而数量多少随意！
刺身拼盘
85 浏览
1 赞好
0 留言
原条上比起得几片当然好有睇头啦，鱼鳞闪烁，眼珠清澈，大抵喺新鲜度嘅佐证，而刺身切得既薄又均一，师傅手势无欺场，最重要都喺鱼鲜味甜，虽附有秘制泰式酱汁，可以有另一番滋味，但稍嫌易冚过鱼嘅鲜味，所以，后尾几片沾些少酱汁提味就够 。
原条𫚭鱼刺身
$258
103 浏览
1 赞好
0 留言
估唔到两只蛏子都做到咁多，切成粗条，鲜嫩有咬口，因为蛏子较味淡，依个就不妨蘸泰酱同吃。
蛏子刺身
74 浏览
1 赞好
0 留言
睇见啲帆立贝（带子）雪白肥美，已经好想一啖咬落去。帆立贝非常厚肉，入口爽嫩鲜甜，同样，沾少少酱油已能尽尝鲜味。
帆立贝刺身
71 浏览
1 赞好
0 留言
泰菜常有嘅沙爹串烧晌度当然都唔少得啦，同样有鸡、牛、猪可拣，最正路就喺3款都要晒。虽然肉嘅质素算唔上好高，但串烧带点炭火香，又有啲焦㶶位，自家炒制嘅沙嗲酱亦不俗，所以，都够惹味。
沙爹串烧
$58
52 浏览
1 赞好
0 留言
海鲜吧中嘅蛏子就选择做刺身，但贵妃蚌还是炭烧好，相信喺新鲜货式关系，贵妃蚌有海水嘅咸鲜味，而且蚌肉大而厚身，不过，个人觉得可能烧烤嘅时间长咗啲，蚌肉有些微韧 。
烧贵妃蚌
$140
40 浏览
1 赞好
0 留言
烧贵妃蚌
49 浏览
1 赞好
0 留言
千呼万唤始出来嘅冬荫功海鲜汤，一汤鲜红，辣度果然唔喺流，但鲜辣酸香，十分醒胃。汤中有青口、鱿鱼、鲜虾、草菇……等等，比起普通嘅冬荫功汤（小$48 / 大$88），有咁多海鲜料都喺加多$10啫，无乜理由唔要有海鲜嘅冬荫功汤啰！
冬荫功海鲜汤
$98
73 浏览
1 赞好
0 留言
冬荫功海鲜汤
$98
58 浏览
2 赞好
0 留言
蔬菜类选择唔多，得通菜、芥兰、椰菜苗及杂菜4款，以椰菜苗较特别少少。椰菜苗口感爽爽脆脆，味道咸咸香香。
泰式炒椰苗
$58
54 浏览
2 赞好
0 留言
其实对一粒粒波嘅鸡油香饭唔陌生，晌马六甲嘅鸡场街，就有间叫「古城鸡饭粒」卖出名嘅白切鸡及波饭。对比起新加坡嘅海南鸡，最明显就喺泰式海南鸡单一啲只跟一款泰式酱汁。然而，啲鸡肉挺嫩滑，鸡皮亦处理得几爽口，皮下脂肪又唔太多，水准不赖。至于啲「波仔饭」，搓得紧致唔松散，蘸酱汁，既有点鸡油香，又有酸辣味，感觉好唔错 。
泰式海南鸡配鸡油香饭
$88
92 浏览
2 赞好
0 留言
张贴
