紫蝶花 (已結業)

近排将军澳中心开咗好多新嘅餐厅，竟然有我最爱嘅泰国菜！沿途去紧餐厅𠮶阵都有上OpenRice睇吓d comments，感觉上好似麻麻地。见佢有咁多人食，我同朋友最后都胆粗粗决定去试吓！叫咗个二人套餐，小食拣咗泰式猪颈肉。呢个食落外皮脆脆地，中间就好松软，口感一流，份量亦好多！另外主菜就叫咗咖喱牛肋条同埋泰式炒牛河！咖喱牛肋条味道唔系好辣，都有七至八块牛肋条，配菜嘅薯仔都煮得好腍！泰式炒可好有镬气，唔会太咸，牛肉好嫩！马拉盏炒通菜味道啱啱好，菜亦都好新鲜！饮品就拣咗珍多冰同埋蓝蝶花椰汁特饮。珍多冰甜度唔高。蓝蝶花椰汁特饮椰汁味好浓，饮落去会有少少酸酸地，好特别！另外仲要点左个椒盐软壳蟹同埋椰汁千层糕。软壳蟹有成三大嚿，味道都唔错。千层糕就即叫即蒸，如果有得冻食更加好！