泰皇 (已結業)

为延续我地之前嘅曼谷@丧笑之旅，适逢大家都好爱泰菜，所以8月份嘅好友们生日…我地决定要继续食泰菜庆祝一番！🍾一开始头盘就紧系泰式小食拼盘啦，泰式沙律，鸡翼，春卷，虾饼，鱼饼，样样都好好味吖！跟著紧系饮番个靓汤先啦，泰式冬荫公🍜就唔少得啦，酸酸地辣辣地…正㖞！开左我地个胃，而家到主菜！？未住，仲有一定要食嘅香香脆脆🍞蒜蓉包呢～ 不得了…一叫就叫左两客来食，还有必食嘅生虾刺身啊！主食就有…黄咖哩炒蟹🦀，泰式炒芥兰🥦，泰式炒粉丝，辣肉碎包菜。而个黄咖哩炒蟹个汁真系好好味，搅到我地要叫第3客蒜蓉包🍞来拌食埋佢。一啲都唔想浪费啲美食。饭后餐厅送嘅甜品椰汁糕就普普通通啦，无咩惊喜。最后，我准备左(外带食物)甜品比大家，就系泰国冷冻榴梿雪条🍦，食榴梿嘅朋友都一致好评，因为佢地话好creamy好浓郁。但好可惜我系唔喜爱食榴梿，所以无办法明白佢地。而泰国7-11芝士飞碟只系大家嘅手信。