影片
更多
2024-10-22
1659 浏览
Monday, 21 Oct一早已经睇到唔少食家推介，已经想嚟呢度试吓好耐，适逢今日天时人和。呢度嘅装修真系同泰国大排档 冇·分·别。有啲迫、有啲窄、有啲嘈、侍应用泰文叽哩咕噜、人多嘅时候冷气唔系好够……呢啲咪就系泰国大排档啰。佢似大排档得来干净企理、枱凳四平八稳，唔系讲笑，呢啲要求真系几卑微。先讲重点，一定要讲呢个重点。佢哋嘅椰青，系香港饮过、食过最好味嘅椰青。卅几蚊有个人头咁大嘅椰青，充满清甜冰冻嘅椰水，啲肉滑嫩creamy，当埋甜品咁食，一椰青两味真系抵。我好欣赏佢哋嘅Menu ，选择唔多，亦都唔使多。净系做好几样嘢就够啦。俾你有14亿种菜式都冇用。必食嘅系和牛船面，虽然佢话系一只🌶️，但系我觉得个程度应该系15小辣𠮶种。所以唔使惊。佢哋牛肉真系靓嘢嚟㗎，份量都唔少。冇揸流摊。醉猫炒河（虎虾），虎虾大只爽口。有镬气。沙嗲鸡，两大串啖啖肉，新鲜烧微㶶边，好味。$8一杯泰式奶茶，真系冇得输。
一早已经睇到唔少食家推介，已经想嚟呢度试吓好耐，适逢今日天时人和。
呢度嘅装修真系同泰国大排档 冇·分·别。有啲迫、有啲窄、有啲嘈、侍应用泰文叽哩咕噜、人多嘅时候冷气唔系好够……呢啲咪就系泰国大排档啰。佢似大排档得来干净企理、枱凳四平八稳，唔系讲笑，呢啲要求真系几卑微。
先讲重点，一定要讲呢个重点。佢哋嘅椰青，系香港饮过、食过最好味嘅椰青。卅几蚊有个人头咁大嘅椰青，充满清甜冰冻嘅椰水，啲肉滑嫩creamy，当埋甜品咁食，一椰青两味真系抵。
我好欣赏佢哋嘅Menu ，选择唔多，亦都唔使多。净系做好几样嘢就够啦。俾你有14亿种菜式都冇用。
必食嘅系和牛船面，虽然佢话系一只🌶️，但系我觉得个程度应该系15小辣𠮶种。所以唔使惊。佢哋牛肉真系靓嘢嚟㗎，份量都唔少。冇揸流摊。
醉猫炒河（虎虾），虎虾大只爽口。有镬气。
沙嗲鸡，两大串啖啖肉，新鲜烧微㶶边，好味。
$8一杯泰式奶茶，真系冇得输。
张贴
