灑家燒味小廚 (已結業)

同妈咪阿妹入屯门探亲友，探完后都两点几，肚仔饿系V City揾嘢食。见到有下午茶又有点心，就闪咗入去洒家烧味小厨食！见到咁靓0既烧味，我就忍唔住，流晒口水！所以order 咗个烧鹅脾！你可以要求免切或者切开。为了方便妈咪食，我都系叫佢切开咗！喜欢呢度0既烧鹅脾不会太肥或太油。而且个皮烧得好靓！光泽感劲好！我比较喜欢食瘦一点的烧鹅，但又好怕食一两旧就漏到呕！想不到洒家的烧鹅，不会很漏，相信免切成只食我都可以一个人KO佢！肉质嫩滑美味，烧得甘美脆口！正！烧味未够喉，所以叫咗个拼盘！咁食法，以为会漏死？唔会啰！呢度啲烧味，走油走得几好，唔会成堆油系碟上。值得一赞是个烧腩仔，真系好鬼脆！阿妹爱食牛腩，所以叫咗个牛腩面。呢度的牛腩面不会很肥，有著牛筋一起。牛腩入味，汤也较清，油不算多。面质爽口，不错！再黎是干炒牛河！咁邪恶，当然要人多先食！炒河条条有色，炒得均匀有锅气！而且牛肉够嫩不会老！嗱嗱林就KO一碟了！食清少少，就黎个流沙包，奶黄够滑，流得够晒料~ 而且不会太甜！热辣辣食，小心辣亲嘴仔啊~~还有马拉盏！古法制，不会太甜。新鲜出炉最好食！想不到洒家的烧味及点心咁出色！点解观塘个间无烧味？得粥