影片
更多
2024-12-03
368 浏览
相比起西餐，我会更加舍得花钱系食中餐，觉得好多中餐嘅手工都系师傅功架，自己根本冇可能复制到。知道唐述系食新派中国菜，虽然佢冇定位自己系中国边一个地方嘅菜式，但我觉得佢比较有粤菜嘅影子。唔想谂嘢嘅我，当然就系食佢嘅招牌世味人生套餐，人少少食套餐就可以试多几个𩠌菜，而我都十分满意呢个选择，因为有由头盘开始都系惊喜一浪接一浪，最深刻系佢个20年花雕鲍鱼，酒味非常浓郁而且鲍鱼好软腍，食完个Aftertaste真系唔想俾佢溜走。另外带子配黑醋珠珠都食得我好开心，如果系配普通嘅黑鱼子酱反而觉得冇特别，呢个配搭有趣新鲜好多。仲有佢个杏汁蜜瓜汤个蛋白绵绵好滑，好似食紧疏乎厘咁，个杏汁浓郁到好似食紧甜品一样。茅台鲜蚝鸡煲只蚝大得夸张，仲要煮得刚刚好！炸海参我真系第一次食，创意度好高，完成度又不错。最尾个鸳鸯汤圆，我系超级喜欢，绿色嘅馅系椰子口味，汤圆真系食到妈妈嘅味道，只有手做嘅汤圆有呢一种口感同味道。成个套餐嘅设计都好贴心，中间会有一个sorbet俾你Refresh，每一道菜都好满意，而且份量亦都足够，但系一个人食晒都唔会觉得腻，反而系好有满足感。另外佢哋serve嘅中国茶都系上品，今次饮人参乌龙，我
唔想谂嘢嘅我，当然就系食佢嘅招牌世味人生套餐，人少少食套餐就可以试多几个𩠌菜，而我都十分满意呢个选择，因为有由头盘开始都系惊喜一浪接一浪，最深刻系佢个20年花雕鲍鱼，酒味非常浓郁而且鲍鱼好软腍，食完个Aftertaste真系唔想俾佢溜走。另外带子配黑醋珠珠都食得我好开心，如果系配普通嘅黑鱼子酱反而觉得冇特别，呢个配搭有趣新鲜好多。
仲有佢个杏汁蜜瓜汤个蛋白绵绵好滑，好似食紧疏乎厘咁，个杏汁浓郁到好似食紧甜品一样。茅台鲜蚝鸡煲只蚝大得夸张，仲要煮得刚刚好！炸海参我真系第一次食，创意度好高，完成度又不错。
最尾个鸳鸯汤圆，我系超级喜欢，绿色嘅馅系椰子口味，汤圆真系食到妈妈嘅味道，只有手做嘅汤圆有呢一种口感同味道。
成个套餐嘅设计都好贴心，中间会有一个sorbet俾你Refresh，每一道菜都好满意，而且份量亦都足够，但系一个人食晒都唔会觉得腻，反而系好有满足感。
另外佢哋serve嘅中国茶都系上品，今次饮人参乌龙，我本人大推，特别如果你钟意回甘嘅话。
唐述由装潢到服务都派头体面十足，有海景就当然锦上添花，同屋企人或者工作伙伴嚟都非常适合，而且佢都有啲fusion，唔会俾人一种好传统酒楼嘅感觉成个气氛chill好多。
张贴
