101 Binary

营业中

休息中

朋友住天后，之前经过佢屋企附近话呢间西餐厅好食，今次终于有机会约出嚟去呢度食饭。环境好坐，系一个约朋友食饭吹水的好地方。主菜慢煮和牛面肉伴薯蓉配炸大蒜丝、豆苗沙律，和牛面肉牛味浓，炸蒜丝配薯蓉都好食，薯蓉真材实料。香脆辣虾米酱大虾意粉，要了少辣，不过其实都有返咁上下辣，不过辣得来就好香，虾米同意大利粉呢个组合都几得意，好惹味，食落几开胃，大虾都煮得弹牙爽口。富士山系焦糖加奶，好适合小朋友饮。视觉方面一流，打卡必备，卖相靓，真系成坐富士山咁样！抹茶牛牛 Matcha Latte好香抹茶味，唔会太甜，又够热，好味。甜品Basque Burnt Cheesecake，系流心😍，斋睇都觉得邪恶，甜度适中，口感亦唔会觉得太「漏」，真心觉得好味。