馬來亞春色綠野景緻艷雅 (已結業)

工厂大厦内小店，装潢简简单单，静静地带有温馨嘅感觉，晚餐时段坐满大半个场，只有一个姐姐做楼面，上菜速度算快，食物质素高，做到系马拉食嘅味道，酱汁做得好好，三人叫三款野食三杯饮品，不收加一，平均每人$80左右，性价比高，要留意设有最低消费每人$64。正宗巴生肉骨茶 $72 一煲肉骨茶配油饭，有油炸鬼，酱油同蒜蓉同辣椒。未饮个汤已闻到浓浓嘅药材味，饮落真系好劲药材味，但带点甜味，色泽较深，自己就相当喜欢，姊妹就觉得太浓。当中排骨都吸收哂汤味，肉质好淋，配上酱油蒜蓉，味道一流。马来加多加多沙律 $68 难得揾到同系马拉食嘅味道一样，呢个真系一试爱上，沙律材料丰富口感丰富，有虾片脆口，又有鸡蛋薯仔实在口感，再配芽菜椰菜嘅爽口。而个重点系个加多加多酱，酸酸甜甜得黎带有花生香味，相当美味又惹味。沙嗲牛肉猪肉串烧 (6串) $60沙嗲酱香浓惹味，相比加多加多花生味再重啲，同串烧系绝配。而牛肉猪肉两款口感相差不大，都有好香烧肉味。