馬來亞春色綠野景緻艷雅 (已結業)

香港大部份馬來西亞餐廳都係得個樣馬來西亞見呢間野唔多食評所以都係冇抱太大期望老實講老闆娘手腳真係幾慢，我去嗰陣都未lunch hour冇咩客都係慢，等到燥燥地但估唔到有驚喜呢款肉骨茶唔係sell辣，係重藥材味嗰款，飲得出真係落足料椰漿飯都不錯咖喱酥同榴槤炸彈就一般般，都係買現成野翻炸，可以唔叫

這天要到柴灣取東西，因不熟這邊就請住附近的朋友推薦一下我的午餐。在工廈裏，原來有間很低調的馬來西亞菜。餐廳只做午市，朋友也提醒我這店是家庭式經營，食物要逐碗製作，所以等候食物需時。內進見到簡單的裝修，同時也有一些馬來西亞的裝飾。不過背景沒有任何音樂，在不多客人的情況下顯得特別靜，也很清楚聽得到隔了幾張檯的客人聊天的話，有點尷尬。整間店只有一位姨姨做樓面，下單、出菜、收錢、執檯一腳踢，同時也保持友善的態度，算是幾好的了，只是來不及執檯，令很多客人食剩、食完的都攤在那裏。由於餐廳只做午市，她也請大約1:45pm到達的我盡快落單，同時巴東牛肉也沽清了。跟餐可選黑糖冬瓜茶或者洛神紅莓，我選了前者。姨姨剛送上時熱得燙手，稍微放涼才放得進口。飲品有淡淡的黑糖香，不會太甜，則不怎麼飲到冬瓜味，但有少少甜甜的，中和喇沙的濃味也是不錯的。喇沙的湯底已備，所以上菜都不用很久。我點了海鮮加參峇魷魚油麵($72)，喇沙湯底的香味隨著熱氣撲鼻，讓人趕不及想要馬上開動。喇沙十分濃味，帶少許辣，是偏向重花生味的那款，熱辣辣都幾惹味的，特別是配料吸收了湯的精華麵底方面我選了油麵，這裡的油麵不是很粗的那種，口感不會很粉

路過見食評個個都話好食，即中伏! 環境本身唔錯，但係得一人煮食，一人招呼全個餐廳人客，所以好多檯都未清潔，而且經常漏單。巴東牛肉煮得好"en"，咬極都唔會爛，魷魚則同車仔麵魷魚差不多，唔係真係咁特別。食緊既時候，一點半都未夠，已經同新黎既客人講無曬野賣啦。

依間喺柴灣工廈嘅馬來西亞菜，因為個名好長😂 令我印象深刻，而且只開星期一至五嘅12點至2點半，好耐冇食過馬來西亞菜嘅我決定捉緊最後堂食嘅尾巴試吓👀𝐈𝐧 𝐦𝐲 𝐭𝐮𝐦𝐦𝐲😋1. 巴東牛肉+參峇魷魚椰漿飯 配黑糖冬瓜茶($72) ❤️巴東牛肉煮得好腍好入味，而魷魚都好爽，我見有幾個熟客一入嚟就問職員今日有冇魷魚😂，所以魷魚應該都幾受歡迎。而椰漿飯都食到淡淡嘅椰汁味。午餐附送嘅凍黑糖冬瓜茶都幾好飲🙂2. 正宗巴生肉骨茶 配黑糖冬瓜茶($76) ❤️記憶中肉骨茶係好重藥材味唔太好飲，但佢係餐廳嘅主打兼三代祖傳祕方，所以試吓。材料幾豐富，有排骨，支竹，豆卜，冬菇同生菜係入面，仲配埋油炸鬼同油飯，份量好夠😬 排骨好腍，其他材料都好入味。而肉骨茶比想像中好味好多🤩，味道幾清甜，因為佢落咗杞子同圓肉，飲到藥材味但又唔會太濃，味道啱啱好👍🏻一定會再嚟食😋.📍 馬來亞春色綠野景緻艷雅 柴灣祥利街18號祥達中心6樓601室

環境地方正常，坐位唔多，服務員態度午飯時間都係得一個人又黎馬來西亞菜，依間工廈餐廳好耐之前食過。近期再幫襯，感覺退步左，不過餐廳名好特別（馬來亞春色綠野景緻艷雅）巴東牛肉魷魚🦑油麵米粉喇沙湯巴東牛肉夠淋夠味，魷魚夠爽，喇沙湯底無左第一次黎食個種花生嘅香味，變左濃味中式沙嗲湯，一啲辣都無，有啲失望。啲餸細細粒碎濕濕咁，食落好無引。豬頸肉魷魚喇沙泡飯貫徹佢哋嘅特色，豬頸肉同魷魚都係碎濕濕咁。佢地既飯係分開上，比你揀自己泡。柴灣區工廈鋪黎講都算貴，午餐要$64以上，所以午飯時間人唔多，有位剩。P.S.下午兩點半收午市，無客會再早啲，可以一試，但唔會再試😂

工廠大廈入面藏美食😋😋😋，間舖頭平時好多人食㗎，一點鐘行到落去就會坐滿哂，想食都無得食，每次都係叫人早啲落去，攞定位，叫定嘢食先食得切。今次叫左巴東牛肉椰漿飯，巴東牛肉佢煮得好腍好入味😋😋😋，加埋有少少椰汁味嘅飯，配菜仲有鳳尾魚乾同花生。如果食到個口腔你覺得好濃嘅話，個三片青瓜就發揮清口腔嘅作用，令到你覺得好flesh。上碟嗰陣時都好講究，有塊香蕉葉鋪底。其實佢係喇沙麵都好出色，不過我食過好多次，所以今次食椰漿飯。

柴灣地鐵站行5分鐘左右，有一幢工廠，工廠入埋既某一層，隱藏左一間好正宗既馬來西亞野。你上到去未打開門都睇唔到佢係一間餐廳，夠神秘呢！咁你以為好隱世好神秘。一入到去，lunch hour都係接近full house。咪話香港人唔識食。好多食客叫Laksa。但我今次就食佢聲稱「三代祖傳秘方」既肉骨茶。講開又講，肉骨茶有分新加坡式同馬拉式。坡式主要用胡椒；馬拉就會用多種藥材（當歸川芎之類）。見人見智，相思子就中意後者多d。入正題。啖湯好正！香濃，層次豐富。夠藥材味，同時又清甜又惹味，令人有種一啖接一啖既衝動，有d吉隆坡新峰既感覺（個湯一定好飲過荃灣西好多人排既x媽）。排骨肥瘦適中（唔客易，好多間都太瘦太肥），有少少軟骨，夠入味。蘸埋溝左蒜蓉辣椒既馬來西亞黑醬油就更好！油飯整得好。微微有有香味，唔會油膩，唔會太濃，唔會喧賓奪主。肉骨茶最緊要咩？就係個湯。所以，ok you win. 俾個like你。

柴灣工廈隱藏了一間專營馬來西亞菜的餐廳，一推開餐廳大門就聞到肉骨茶那藥材的幽香。來到這裡，怎能不點招牌的肉骨茶呢！正宗巴生肉骨茶以瓦煲盛載著生菜、肉排、冬菇、支竹、豆卜端上，配一碗葱油烹煮過的白米飯，帶點葱香鹹味。先呷一口，肉骨茶味道偏甜，帶微微的藥材甘香，湯不油膩。肉排很腍；浸泡在肉骨茶中的材料都很入味，尤其是生菜、豆卜及支竹，較適合拌飯吃。另外還有三款佐料供食客蘸肉吃，有蒜蓉、辣椒、花生及黑豉油。沙嗲 （2串豬 + 3串雞）叻沙麵沙嗲也是出名的，點了碗沙嗲加喇沙湯麵，可選擇參參，即是兩款油麵加米粉拼在一起 。油麵麵條圓圓粗粗，煙韌；米粉則是幼細條，兩者挺配合的。材料有通菜、芽菜、豆卜，上面再灑上炸乾葱，喇沙湯底香濃不辣。串燒指定兩串豬三串雞，不可更改。而且串燒有點油膩及乾，一般般。

去咗呢度食午餐叫咗碗馬來西亞喇沙湯麵。呢碗麵系包串燒，串燒有兩串係豬，三串係雞。先講呢度的喇沙湯底，啲湯底味道比較濃味，所以唔錯。啲串燒就不過不失啦，另外會配埋杯洛神花茶。價錢總數60幾元。

工廠大廈內小店，裝潢簡簡單單，靜靜地帶有溫馨嘅感覺，晚餐時段坐滿大半個場，只有一個姐姐做樓面，上菜速度算快，食物質素高，做到係馬拉食嘅味道，醬汁做得好好，三人叫三款野食三杯飲品，不收加一，平均每人$80左右，性價比高，要留意設有最低消費每人$64。正宗巴生肉骨茶 $72 一煲肉骨茶配油飯，有油炸鬼，醬油同蒜蓉同辣椒。未飲個湯已聞到濃濃嘅藥材味，飲落真係好勁藥材味，但帶點甜味，色澤較深，自己就相當喜歡，姊妹就覺得太濃。當中排骨都吸收哂湯味，肉質好淋，配上醬油蒜蓉，味道一流。馬來加多加多沙律 $68 難得搵到同係馬拉食嘅味道一樣，呢個真係一試愛上，沙律材料豐富口感豐富，有蝦片脆口，又有雞蛋薯仔實在口感，再配芽菜椰菜嘅爽口。而個重點係個加多加多醬，酸酸甜甜得黎帶有花生香味，相當美味又惹味。沙嗲牛肉豬肉串燒 (6串) $60沙嗲醬香濃惹味，相比加多加多花生味再重啲，同串燒係絕配。而牛肉豬肉兩款口感相差不大，都有好香燒肉味。

呢間馬拉菜位於柴灣工廠大廈入面頗有隱世頭店feel😂同朋友lunch time黎到好好彩唔洗等位首先當然要叫佢地既招牌肉骨茶啦馬來西亞肉骨茶藥材味濃入面有排骨 生菜 冬菇 支竹等配料煮得入味但我個人都係偏好新加坡個種胡椒味重既肉骨茶多d🤣個飯應該都係特登調製味道香濃另外仲叫左個海鮮喇沙有蝦 蟹柳 蛋 豆卜等湯底濃郁對辦麵用上油麵加米粉好快就食晒成碗🤣🤣🤣我中意佢個喇沙多過肉骨茶好多！不過口味呢d野好主觀大家不妨一試😋

今晚難得全家都齊人，於是出咗去食馬來西亞野。喺網上面見到工廠區嘅呢間馬來西亞菜嘅評價唔錯，原本打算訂位留座，但打完電話之後發覺只接受walk in，所以就早少少出咗去食晚飯。去到乜都唔好講住，叫咗個肉骨茶先。我哋一共叫咗兩個肉骨茶分享，每一個都好足料，最少有三四舊排骨，每一舊都好入味，而且仲有幾塊大嘅支竹，同樣吸收晒肉骨茶嘅味道。店員建議我哋飲咗個肉骨茶先，然後再食其他餸，一飲落去感覺上應該用咗好多唔同嘅藥材去煲，完全冇味精，好好飲。最估唔到連個飯都唔同，係特別為咗肉骨茶而配嘅，口味比普通白飯濃少少之後再叫咗個海鮮喇沙，賣相十分美觀，而且仲好香添，同樣地真係落足料，大蝦很爽脆，而豆卜就吸晒喇沙嘅精華，食到停唔到口最後仲叫咗個小食拼盤，有泰式蝦餅、炸 春卷同魚餅，熱辣辣之餘味道都相當唔錯，唔使幾分鐘我地已經全部清晒

聽聞喺名爲美食沙漠嘅柴灣有正野，就過嚟一試究竟。其實我哋已經第二次上嚟，第一次場太full，第二次午市上嚟終於有位坐。 但唔知喺唔喺樓面得一位嬸嬸嘅關係，要等好耐先有得上菜。所以奉勸冇耐性嘅朋友，午市早啲到，以免要同其他lunch time放飯嘅其他食客鬥等😪 一喺就晚市到，聽聞情況好好多。 餐廳偏細，但喺佈置略見心思。 寫到咁勁，無理由唔試肉骨茶掛～ 喺等咗好耐之後，終於上菜。肉骨茶頗有藥材味，但亦不算太濃。呢個肉骨茶有特別食法，先自己將黑醬油調味，再將肉骨沾上黑醬油食用。食用之後覺得，黑醬油先喺呢道菜嘅靈魂🤤 令到呢道菜加咗好多分。另外油炸鬼放落湯底浸住食亦是一流。 跟餐冬瓜茶頗甜，下次再試埋椰青水～ 雖然等得耐，野食好味補返數啦😣

今天報章介紹左間舖頭，嗰名好懷舊，勁長，用歌語做舖名，就是老人家有時唱“馬來亞春色新野景致艷雅“，認真少有另外，更馬來西亞感覺，入去就見到馬來西亞國旗，似我同毛毛去新加坡坐地攤食肆感覺午市有 set lunch ，多野揀，我同毛毛揀了沙嗲串燒(2串豬，3串雞)配馬拉蔥油飯，再加上一個咖哩角沙嗲串燒(2串豬，3串雞)沙嗲味濃，豬肉粒，雞粒，大細適中，肉汁多馬拉蔥油飯花生、青瓜、炸魚脆，還有蛋半隻，飯蔥油香， 份量大，食得飽咖哩角皮厚，餡量一般，咖哩味薯蓉，味道不錯

環境2分：馬來西亞餐廳喺工廠大廈入面，其實都幾難搵，地方非常隱蔽。Ｄ枱好埋，人多好迫，畀兩分。衛生3分：地方唔係特別乾淨又或者特別污漕，中間位三分。服務3分：南亞裔服務員，要英語對白，正常態度，都係三分。味道3分：咖哩雞蔥油飯，相入面蔥油飯上面隻蝦係攞人哋嘅，請不要誤會。咖哩嚟講算數一數二嘅辣，份量都算足，Ｄ雞肉都算淋，亦都唔會畀好多骨位嘅雞肉你，正常三分位。抵食2分：最失望係餐廳唔會提供免費水，要畀錢買支裝水，由於真係好辣，所以就迫不得意都要畀錢買支水嚟飲，扣佢一分。