Bistronomique Staunton (已結業)

自从离开中环工作之后, 好耐都冇系苏豪食饭.难得可以同阿妹撑枱脚, 紧系食餐好同顺便倾吓计.呢间餐厅环境清静同气氛唔错, 一于试吓.菜式由阿妹话事, 头盘叫咗鹅肝同火腿. 煎鹅肝冇平时食果D咁㶶, 反而有D似中式蒸法, 比较粉嫩, 油份适中. 火腿软熟, 咸香度刚好, 不错. 火腿中间有辣椒, 伴著火腿食味道有所提升.主菜系西班牙方式盐焗火点, 中间酿有海草, 海盐被染成绿色同墨绿色, 鱼肉没有因为盐焗而变得过于结实, 反而保存鲜甜味.另一个主菜系炆猪肩肉, 猪肩肉味道浓郁, 炆得火侯刚好, 蔬菜鲜甜味渗入猪肩肉, 令整度菜式更加美味.甜品有柠檬挞同苹果挞, 伴有vanilla icecream, 柠檬挞有丝丝柠檬, 十分清新, 苹果挞挞皮系酥皮, 伴著煑过苹果, 味道很合拍.我俩坐到十点左右离开, 仲有客人入座, 餐厅应该好受欢迎.