Deep Sea Oyster & Steak

营业中

休息中

今日同朋友行开尖沙咀，咁啱黎到山林道，朋友提意去一间上楼既餐厅食fusion菜。 难得黎到就试下。 就系山林道38号上面既Deep Sea Oyster & Steak, 睇落系好有情调既餐厅，唔系好大，但有落地大玻璃，入夜之后望住夜景食饭好靓，而且佢系行浪漫feel, 坐落真系几舒服。佢都有一般既扒类，沙律，但我更有兴趣佢既串烧，烧物，所以我地就叫左脆炸鸡翼，烧牛舌心串，烧油甘鱼鲛同安格斯薄烧。 因为佢都系即叫即煮，所以好新鲜，都好快就煮好。 佢既炸鸡翼真系好香脆，又大件，黎到真系要等阵先好食。 烧牛舌好大件好厚，以为咁厚会好硬啦，但又好爽，超好食。油甘鱼鲛好大份，比出面食既仲大，而且肉质好嫩。 安格斯薄烧比想像中大份，而佢卷埋小小葱粒系肉入而，一啲都唔会有葱青味，仲可以解油腻，好好味。跟住仲叫左杯石榴特饮，好清凉既感觉，配食串烧好正。最后食埋个好靓既红桑子纽约芝士蛋糕，今餐真系好完满，好值得黎。