影片
更多
2024-11-26
277 浏览
食得多中日韩餐，偶尔都想异国风情一下👱🏻♀️👱🏻♂️呢几日天气转冻❄️，终于无左闷焗嘅感觉，坐喺海边感受著凉风，食住浓情西餐，饮住杯wine🥂 人生就系可以咁写意餐馆分成室内、外，想感受下自然海风🌬️同靓景🏞️的话可以坐喺室外～ 想同情人、闺密静静地密密斟的话，整洁舒适嘅室内亦系唔错嘅选择👍🏻一入座，职员就送上青豆小挞，青豆已煮至软绵，混合左白汁，放喺小挞皮上，一黎就已经补充左纤维，唔使饿住睇餐牌👀食物可以选择散叫，或者一个CP值颇高嘅tasting menu，有齐前菜x2、小食x2、主食x1、甜品x1 ✨前菜📌薄切日本带子配香茅油醋🦪呢款食落好惊喜，好有泰式fusion感，爽口嘅带子配上酸酸甜甜辣辣嘅酱汁，非常开胃📌三文鱼他他🐠新鲜三文鱼切碎配上蟹籽、香草，有鱼油香之余沙律酱又中和腻感，味道清新，作为开胃前菜份量都唔少📌新鲜法国生蚝🦪生蚝好新鲜，口感甘甜带海水咸鲜余韵✨小食📌鳕鱼塔可🐠小小一件好可爱🌮 塔可皮带少少脆，夹住香口炸鳕鱼、蕃茄丝同生菜，配上酸酸甜甜嘅酱估唔到嘅系食落口竟然有啲辣辣地，原来喺塔可饼底放左一粒粒嘅青辣椒酱，辣辣地又更加开胃😂📌西班牙芝士火腿🧀🍖多士烘到脆身，火腿薄薄
呢几日天气转冻❄️，终于无左闷焗嘅感觉，坐喺海边感受著凉风，食住浓情西餐，饮住杯wine🥂 人生就系可以咁写意餐馆分成室内、外，想感受下自然海风🌬️同靓景🏞️的话可以坐喺室外～ 想同情人、闺密静静地密密斟的话，整洁舒适嘅室内亦系唔错嘅选择👍🏻
一入座，职员就送上青豆小挞，青豆已煮至软绵，混合左白汁，放喺小挞皮上，一黎就已经补充左纤维，唔使饿住睇餐牌👀
食物可以选择散叫，或者一个CP值颇高嘅tasting menu，有齐前菜x2、小食x2、主食x1、甜品x1
✨前菜
📌薄切日本带子配香茅油醋🦪
呢款食落好惊喜，好有泰式fusion感，爽口嘅带子配上酸酸甜甜辣辣嘅酱汁，非常开胃
📌三文鱼他他🐠
新鲜三文鱼切碎配上蟹籽、香草，有鱼油香之余沙律酱又中和腻感，味道清新，作为开胃前菜份量都唔少
📌新鲜法国生蚝🦪
生蚝好新鲜，口感甘甜带海水咸鲜余韵
✨小食
📌鳕鱼塔可🐠
小小一件好可爱🌮 塔可皮带少少脆，夹住香口炸鳕鱼、蕃茄丝同生菜，配上酸酸甜甜嘅酱
估唔到嘅系食落口竟然有啲辣辣地，原来喺塔可饼底
放左一粒粒嘅青辣椒酱，辣辣地又更加开胃😂
📌西班牙芝士火腿🧀🍖
多士烘到脆身，火腿薄薄一片，相比之下芝士就非常厚🤩
多士底部涂满一层蜜糖，变成咸甜组合，又似系小食，又似食紧甜品，几特别
📌香煎鹅肝配牛油包 • 无花果酱🪿🧈🍞
块鹅肝大大旧又厚身😍 鹅肝入口即溶，满口都系鹅油香❤️ 块包比较软身，完美吸收鹅肝油，好正🕺🏻💃🏻
无花果酱酸酸地，可以化解油腻感
✨主菜
📌黑松露芝士意大利云吞🧀🥟
意大利云吞皮较厚身，内馅系黑松露粒 + Ricotta（瑞可塔起司）
黑松露酱浓稠杰身，厚厚咁包裹住每块云吞，成碟云吞味道好浓郁！简直系黑松露x芝士MAX!!!
📌熟成和牛配薯蓉 • 西兰花 • 红酒汁🐮🥔🥦🍷
牛扒5成熟，肉质软嫩，厚度适中，和牛脂肪分配平均，油份不算重，但肉味浓郁，配埋经过调味嘅咸香薯蓉，味道更丰富
西兰花脆嫩爽口，熟度刚好
✨甜品
📌提拉米苏☕🍰
有四层厚，蛋糕湿润令口感更幼滑绵密，带有阵阵咖啡酒香味
📌西班牙油条配朱古力酱🍫
西形牙油条炸到外层脆卜卜，沾满砂糖同朱古力酱，内里带点烟韧，强烈对比令人忍唔住一口接一口
天气冻咗，胃口大咗😆另外再散叫左一款✨小食+✨比萨
📌西班牙油蒜大虾🦐
虾肉非常爽脆，有6大粒份量刚好，随碟仲有4块烤香左嘅多士
而呢道菜嘅重点绝对系蒜油，香味十足，蒜油中有咸香碎料，最适合用黎沾多士，多士吸收哂蒜油同碎料，好惹味😍
📌辣肉肠比萨🍕
Pizza热辣辣真系无得输，饼底薄脆，舖满一层厚芝士，蕃茄酱加上咸香辣肉肠，pizza惹味程度更上一层楼
✨饮品
📌SPRING GARDEN（熏衣草、蝶豆花、西柚汁、苏打水）
熏衣草强烈香味好突出，味道都几清新
渐层色嘅调配又靓又浪漫，打卡一流💕
📌Rewild Cabernet Sauvignon, Australia
澳洲红酒带啲甜味，质地轻身，用黎配牛扒系不二之嘅选
张贴
