WATERMARK

营业中

休息中

第一次写食评，请大家多多指教。想揾一间有浪漫情调同优美海景嘅餐厅帮老公庆祝生日，喺Openrice揾左一轮发觉太多选择。见到Watermark，即刻谂起早两年喺度参加过婚宴。当年系食Set Lunch，觉得环境同食物质素唔错，今次试下晚餐都好。餐厅喺中环码头，入餐厅前要行过一条黑黑哋嘅走廊，彷佛带我地走到另一个世界。餐厅楼底好高，成个场都好暗，得两张枱有客人，配埋海景，感觉都几浪漫。我哋一人order咗一杯饮品，老公饮Asian Punch，好好饮，味道非常清新；我order咗杯较易入口嘅红酒 Sileni Cellar Pinot Noir，略嫌唔够果味。头盆我地叫咗个Garden Salad, 黎到嘅时候厨师已经帮我地分开两碟，十分贴心。主菜叫咗肉眼扒，味道OK，但唔算好特别。另一道主菜叫咗Lobster Gnocchi，呢道菜味道好好，大虾同龙虾肉都好弹牙，粉团有好重嘅黑松露味道!因为庆生嘅关系，食到好饱都照叫Icecream&Sorbet，味道好好但份量好少，唔值$78。