Opa Mediterranean Bar and Bistro (已結業)

抵食的2人餐 前菜主食甜品2人晚餐都系$348酒吧餐厅系我眼中都是不便宜晚餐，但呢间二人嘅晚餐真系饱肚又抵食。地中海茄泥酱 佢配左希腊芝士，石榴，皮塔包。见佢卖相以为佢麻麻哋，但食落个味道一流，落劲多落去个包度一齐食，超满足，唔识形容个味道但系真系出色。香蒜橄榄油意粉平淡橄榄油意粉，配上有好多蒜片嘅香蒜，清淡得来又唔会无味，健康啲地中海烤鸡最满意就系佢个鸡髀位，仲要有沙律菜同薯条，平时多数系二选一，食完呢个都好饱肚西班牙油条伴雪糕超钟意食西班牙油条，佢真系好香脆好香嘅玉桂粉味，连个雪糕我都好满意，因为佢曲奇雪糕劲大粒嘅曲奇，似系自家制好足料。Big Bang $88好钟意装住嘢饮嘅雀仔，打卡一流，虽然佢冇酒精，好香嘅芒果味，除咗芒果仲有菠萝加埋一齐唔会话好甜，钟意饮芒果汁必叫Pule Fiction $88呢杯都系mocktail,但比起芒果汁去比较甜啲，但佢系我最钟意嘅桃，好易入口好好饮。仲有好靓嘅千秋打卡位，但咁啱当天有人喺度食紧野好可惜影唔到。